Elordanyŋ tuǧan künıne orai ūiymdastyrylǧan merekelık ıs-şaralar legın keşe «MuzArt» toby qorytyndylady. Halyqtyŋ süiıktısıne ainalǧan atalmyş ūjymnyŋ 15 jyldyq mereitoiy «Qazaqstan» ortalyq konsert zalynda öttı. Oǧan Astana qalasynyŋ Mädeniet basqarmasy tıkelei qoldau körsettı. «Körgen de armanda, körmegen de armanda» degen teŋeu däl osyndai keşterge arnalyp aitylsa kerek.
Retı kelgende aita keteiık, qazırgı taŋda Qazaqstannyŋ tükpır-tükpırınde Muzart esımdı säbiler bar eken. Jaqynda ǧana Atyrau öŋırınde tanymal toppen attas taǧy bır böbek dünie esıgın aşypty. Mūndai ürdıske rizaşylyǧyn bıldırgen muzykalyq ūjym äu bastaǧy ideialary turaly tüsındırudı ūmytqan joq.
– Trioǧa qandai at qoiamyz dep köp oilandyq. Top tügılı, adamnyŋ atyn qoiu qiyn ǧoi keide. Bastapqyda jarty jyldai atausyz şyǧyp jürdık. Keiınnen önerdegı aǧamyz ärı dosymyz, belgılı satirik Saǧadıldä Üsıpälı osy ataudy ūsyndy. «MuzArt» sözı ekı ūǧymnan tūrady. «Uz» – türkı sözı, qazaqşalaǧanda sal-serı, änşı, naǧyz er degen maǧynany bıldıredı. «Art» sözı taudyŋ ūşar biıgı, qūzar şyŋy degenge saiady, – dedı top müşelerı.
– Astana auysqan şaqta osy ändı Kongress-holda aitqanbyz. Ol uaqyt tūrmystyŋ qysyltaiaŋ kezeŋı boldy. Tırlık ızdegen halyqtyŋ Almatydan Astanaǧa köşıp kelıp, erlı-zaiyptylardyŋ bırı – Almatyda, bırı Astanada jürgen tūsy ǧoi. Sızderge ötırık, bızge şyn, sonda ändı estıp otyryp zaldaǧylardyŋ 80 paiyzy egılıp közderıne jas alǧan, – dedı.
Botagöz MARATQYZY