Jeŋıs künıne orai ardagerlerge arnalǧan jyljymaly konsert ūiymdastyryldy, dep habarlaidy astana-akshamy.kz
Astanada Ūly Jeŋıstıŋ 79 jyldyǧy atap ötılıp jatyr. Is-şara aiasynda E.Rahmadiev atyndaǧy Memlekettık akademiialyq filarmoniianyŋ ürmelı orkestrı men «Astana jastary» KMM jastary Red bus ekskursiialyq ekı qabatty avtobuspen Ūly Otan soǧysynyŋ ardagerlerı tūratyn mekenjailarǧa bardy.
Ardagerlerdıŋ üiınıŋ aldynda orkestr saltanatty muzykalyq qūttyqtaumen äskeri-patriottyq änderdı oryndady.
«Bügın bız ardagerlerımızdı erekşe formatta qūttyqtau turaly şeşım qabyldadyq. Olar tūratyn aulalarda orkestrdıŋ qoiylymy ūiymdastyrylyp, soǧys jyldaryndaǧy änder şyrqaldy. Būl aksiiany jastarymyz qoldady. Mūndai ıs-şaralar öskeleŋ ūrpaqty tarih pen mädenietke baulidy», – dedı Astana qalasynyŋ jastar saiasaty mäselelerı basqarmasynyŋ bölım basşysy Atymtai Baǧdat.
Is-şara barysynda barlyǧyna tanys jäne jürekten oryn alǧan «Den Pobedy», «Smuglianka», «Nam nujna odna pobeda», «Katiuşa» jäne t.b. kompozisiialar oryndaldy.
Is-şara ŪOS ardagerlerı tūratyn üilerdıŋ tūrǧyndaryn da qyzyqtyrdy. Körşılerdıŋ bırı aulaǧa şyǧyp, qūttyqtaularǧa qosyldy, al endı bırı terezeden smartfondaryna tüsırıp jatty.
«Bır kezderı bızdı qorǧaǧan jandardy qūttyqtau öte jaqsy ıs. Bız olardyŋ erlıkterın eşqaşan ūmytpaimyz. Bız jastarmyz, mūndai ıs-şaralarǧa qatysu – bız üşın ülken maqtanyş», – dedı Astana jastary volonterı.
Esterıŋızge sala keteiık, Astana äkımdıgınıŋ şeşımı boiynşa Ūly Otan soǧysyndaǧy Jeŋıstıŋ 79 jyldyǧyna orai ŪOS ardagerlerıne tölenetın soma ekı esege ūlǧaidy.Osylaişa, ŪOS ardagerlerıne 2 million teŋge berıldı. Bügıngı taŋda elordada ŪOS-tyŋ jetı ardagerı tūrady.
