Astanada Ūly Otan soǧys ardagerı Mihail Grigorevich Kuliktıŋ memorialdyq taqtasy «Baiqoŋyr» audanynda aşyldy, dep habarlady astana-akshamy.kz
Aşylu saltanatyna Astana qalasy äkımınıŋ orynbasary Eset Baiken, qalalyq mäslihat töraǧasy Erlan Kanalimov, qalalyq ardagerler keŋesınıŋ töraǧasy Sansyzbai Esılov, qalalyq Qorǧanys ısterı departamentınıŋ basşysy Aidyn Saǧynbek, Ūly Otan soǧys ardagerı Mihail Kuliktıŋ qyzy Valentina Kulik jäne qala tūrǧyndary qatysty.
«Tarihty este saqtau, bügıngı künmen ömır süru jäne jarqyn bolaşaqty qūru – bızdıŋ azamattyq paryzymyz. Sol sebeptı barşaŋyzdy bügıngı Ūly Jeŋıs künımen qūttyqtaimyn. Är otbasynda tek beibıtşılık bolsyn. Öskeleŋ ūrpaq bızdıŋ ata-babalarymyz körgen qiyndyqty körmei össın. Ata-babalardyŋ erlıgın jadymyzdy mäŋgı saqtauymyz qajet. Öitkenı öz tarihyn syilamaǧan ūlttyŋ – bolaşaǧy joq», – dedı qalalyq mäslihat töraǧasy Erlan Kanalimov.
Memorialdyq taqtany saltanatty türde qalalyq ardagerler keŋesınıŋ töraǧasy Sansyzbai Esılov pen Mihail Kuliktıŋ qyzy Valentina Kulik aşty.
«Bügıngı ıs-şara – öte maŋyzdy. Öitkenı ardagerdıŋ qalamyzǧa tigızgen eŋbegı – öte zor. Soǧystan keiın ol osy qalada eŋbek ettı. Mihail Kulik – 2004-2023 jyldar aralyǧynda alǧaşqy tyŋ igeruşılerdıŋ bırı. Ol 1926 jyly düniege kelıp, 1943 jyly soǧysqa attandy. Soǧys ardagerı 2 märte Otan ordenınıŋ iegerı, Qyzyl Jūldyz ordenınıŋ iegerı atandy. Sol erlıgımen bügınde elge tanymal boldy. Mihail Grigorevich – sondai jaqsy adam edı. Ardagerler keŋesınde ötetın är ıs-şaranyŋ bas-qasynda jüretın. Ökınışke qarai, byltyr Mihail Kulik qaitys boldy», – dedı Astana qalasynyŋ ardagerler keŋesınıŋ töraǧasy Sansyzbai Esılov.
Saltanatty räsımnen soŋ Erkeǧali Rahmadiev atyndaǧy Memlekettık akademiialyq filarmoniia orkestrı jinalǧan qauymǧa merekelık köŋıl-küi syilady.
