Elordanyŋ densaulyq saqtau salasy mamandarynyŋ aldyna qoiǧan negızgı mındetı – saladaǧy infraqūrylymdy jetkılıktı türde qamtamasyz etu, kadr äleuetın arttyryp, sapaly medisina kadrlaryn daiyndau jäne materialdyq-tehnikalyq tūrǧyda jaraqtandyru.
Bügıngı taŋda qalanyŋ Qoǧamdyq densaulyq saqtau basqarmasyna qarasty 33 vedomstvolyq baǧynysty ūiym bar. Sonyŋ ışınde 16-sy – medisinalyq-sanitarlyq alǧaşqy kömek körsetu mekemelerı. Oǧan qaladaǧy 1400000-nan astam adam tırkelgen. Qalǧany – 4363 tösek-orynnan tūratyn 11 stasionar, jedel järdem stansasy jäne basqa da 5 ūiym bar. Odan bölek, 7 respublikalyq jäne vedomstvolyq auruhana men 21 jeke BMSK ūiymy jūmys ısteidı. Astana qalasynyŋ äkımdıgı Almaty audanyndaǧy A431 köşesı boiynan patologiialyq-anatomiialyq biuro salu turaly şeşım qabyldady. Bölıngen jer uchaskesınıŋ audany 1,2 ga qūraidy.
Jyl saiyn qala halqynyŋ sany 40-50 myŋ adamǧa köbeiuıne bailanysty qoldanystaǧy densaulyq saqtau nysandary solardyŋ bärın medisinalyq qyzmetpen qamtuǧa jetkılıksız bolyp otyr. Būl mäselenı şeşu üşın qalada 2 perzenthana men būrynǧy temırjol auruhanasy ornyna jaŋa köpbeiındı stasionar salu josparlanǧan. Bügınde perzenthana saluǧa Qobda jäne Aqan serı köşelerınde jer telımı berıldı. Sonymen qatar, Öndırıs tūrǧyn alabynda ambulatorlyq emhana keşenın salu közdelude. 2027 jylǧa deiın memleket tarapynan 2 ambulatorlyq-emhanalyq keşen men jeke investisiia esebınen 5 nysannyŋ qūrylysy aiaqtalady. Sonymen qatar, Saryarqa audanynda «Samūryq-Qazyna» AQ qoldauymen 250 orynǧa şaqtalǧan perinataldyq ortalyq salu josparda tūr. Akuşerlık diagnostikalyq keşenı men №8 qalalyq emhananyŋ eresekter men balalar korpustary arasyndaǧy auysu jūmysy jürgızılude. Eskiz jobasy säulet jäne qala qūrylysy salasyndaǧy uäkılettı organmen kelısılgen. Mekeme jospary memlekettık saraptamada qaralyp, oŋ qorytyndysy 2023 jyldyŋ soŋynda şyǧady dep josparlanyp otyr.
– Elordanyŋ densaulyq saqtau salasynyŋ basty mäselelerınıŋ bırı – balalar hirurgiialyq stasionarynyŋ tapşylyǧy. Būl jerdegı travmatologiialyq punkt jalǧyz bolǧan soŋ jükteme köp. Ortaşa eseppen şūǧyl kömekke täulıgıne 600 bala keledı, sonyŋ ışınde jaraqat alǧandar sany – 180. Qalada bala sanynyŋ qarqyndy ösuıne jäne Memleket basşysynyŋ tapsyrmasyna säikes, №1 balalar auruhanasy men №2 emhananyŋ bazasynda balalar travmatologiia punktterın aşuǧa şeşım qabyldandy. Qazırgı taŋda jöndeu jäne jabdyqtar alu jūmystary jürgızılude. Odan bölek, Esıl audanynda №4 balalar auruhanasyn salu josparda bar, – deidı Astana qalalyq Qoǧamdyq densaulyq saqtau basqarmasynyŋ basşysy Äliia Rüstemova.
Conymen qatar, basqarma basşysy kadr tapşylyǧyna mamandardyŋ elordada baspanasynyŋ bolmauy da äser etetının aitty. Osy rette Almaty audany aumaǧyndaǧy Astana-Qaraǧandy tasjoly boiynda 313 otbasy ülgısındegı jataqhana qūrylysy bastaldy. Ony 2024 jyly paidalanuǧa beru közdelude. Odan basqa, taǧy 4 jataqhananyŋ qūrylysyna jer telımın beru mäselesı qaraluda. Biyl 45 därıger şetelde, 872 därıger el ışınde bılımın jetıldırdı. Materialdyq-tehnikalyq baza jaŋartylyp, byltyr 196 medisinalyq jabdyq satyp alyndy.
– Medisinalyq-sanitarlyq alǧaşqy kömek ūiymdarynyŋ 51 jedel järdem stansiiasyna 55 kölık berıldı. Qazırgı taŋda qaladaǧy jedel järdem stansasyndaǧy şūǧyl kömek qyzmetın 140 brigada atqarady. Olardyŋ 15-ı – därıgerlık, 125-ı – feldşerlık brigadalar. Osy oraida jedel järdem jūmysynyŋ maŋyzyn aitpasqa bolmas. Adam ömırıne araşa tüsıp, der kezınde qūtqaratyn abzal jandardyŋ qoǧamda orny bölek, märtebesı ärqaşan biık bolmaq, – deidı basqarma basşysy.
Biyl jyl basynan berı ambulatorlyq emhanalarǧa qaraluǧa pasientter şamamen 7,6 mln ret kelgen. Olardyŋ ışınde 2 mln-nan astamy salalyq därıgerlerge qaralǧan.
– Sonymen bırge, basqarmanyŋ qol jetkızgen negızgı körsetkışınıŋ bırı – elorda tūrǧyndary ömır süru ūzaqtyǧy boiynşa öŋırler arasynda bırınşı orynda tūrǧany. Elordada tuu kezınde kütıletın ömır süru ūzaqtyǧynyŋ körsetkışıne 2022 jyly qol jetkızıldı jäne ol 77,30 jyldy qūrady. Būl körsetkış älı de respublikalyq deŋgeiden (74,44 jas) asyp otyr. Medisinalyq-demografiialyq körsetkışter jaqsardy. Basqarmanyŋ, onyŋ ışınde medisinalyq ūiymdardyŋ jūmysy ötken jyly qandai qiyndyqtardy ötkergenıne qaramastan jūmys nätijesı jaqsy boldy, – deidı Ä.Rüstemova.
Onyŋ aituynşa, 2022 jyldyŋ qorytyndysy alda älı de ülken jūmystar jürgızu qajettıgın körsettı. Sondai-aq bügınde medisinalyq qyzmetterdı uaqytyly, sapaly körsetu, pasientterdıŋ qūqyǧyn qorǧau, sonymen qatar bırqatar qoldanbaly mäseleler boiynşa mındetterdı oryndau maŋyzdy bolyp otyr.
