«Ömırlık qiyn jaǧdaida qalǧan adamdardy äleumetke qosu ortalyǧy» kommunaldyq memlekettık mekemesınde on jyldan berı qyzmet atqaryp kele jatqan kadrlar bölımınıŋ aǧa inspektory Ainūr Nūrdäuletqyzy Ärkenova jaily jazu köpten berı menıŋ oiymnan tüspei jürgen edı. Taiauda sonyŋ sätı tüsıp, kadrlar bölımınıŋ basşysymen äŋgımelesudıŋ retı keldı.
Ana tılınıŋ qadır-qasietın boiyna sıŋırıp ösken Ainūrdyŋ mektep bıtırgen sättegı mamandyq taŋdauy da kezek küttırmedı. Ol E.A. Böketov atyndaǧy Qaraǧandy memlekettık universitetınıŋ «qazaq tılı jäne ädebietı» fakultetıne oquǧa tüsıp, ony 2007 jyly oidaǧydai tämämdady. Osy salanyŋ mamany boluyna orai, sol jyly Nūra audanyndaǧy audandyq «Nūra» gazetınıŋ menşıktı tılşısı bolyp qyzmet ete bastaidy. Tılşılık qyzmetın oqumen ūştastyra jürıp, talapty jas «Qaztūtynu odaǧy» Qaraǧandy ekonomikalyq universitetınıŋ zaŋ fakultetıne syrttai oquǧa tüsıp, ony 2009 jyly aiaqtap, zaŋger mamandyǧyna da qol jetkızedı.
Nūr-Sūltan qalasy äkımdıgıne qarasty ortalyqqa äleumettık qyzmetker bolyp ornalasady. Osy tūsta onyŋ ömırınde özgerıster oryn alyp, Asylbek degen azamatqa tūrmysqa şyǧyp, otbasyn qūrady. Düniege kelgen Arailym esımdı süikımdı qyzdary ömırlerınıŋ quanyşyna ainalady. Ainūr Nūrdäuletqyzy, bala kütımı boiynşa demalysqa şyǧyp kelgennen keiın Ortalyqtaǧy jūmysyn jalǧastyra beredı. Uaqyt öte kele, iaǧni 2012 jyldyŋ 19 qaraşasynda mekeme direktorynyŋ äleumettık mäseleler boiynşa orynbasary, al 2013 jyldyŋ 22 säuırınen bastap kadrlar bölımınıŋ basşysy bolyp taǧaiyndalady. Ol öz mındetıne kıretın kadrlyq ıs jürgızu, jūmysqa qabyldau, jūmystan bosatu, qysqartu, auystyru jäne sol siiaqty basqa da auqymdy jūmystardy ärdaiym uaqytynda jäne mūqiiat oryndauǧa den qoiǧan. Sol siiaqty qoǧamdyq jūmystarǧa da belsene aralasyp, köptegen merekelık şaralardy ūiymdastyruǧa belsene at salysady jäne özı de qatysady. Atap aitsaq, taiauda ǧana ol qala künı merekesıne orai ötken merekelık konsertte äuezdı än aityp, köpşılıktıŋ qoşemetıne bölendı. Sonymen qatar Ainūr Nūrdäuletqyzy Ärkenova mekemedegı qazaq tılınıŋ aituly janaşyry.
«Ärine, armansyz adam bolmaidy. Mysaly, men äleumettık salanyŋ ministrı bolǧym keledı, jalǧyz qyzyma serık bolatyn er bala tuudy armandaimyn» deidı Ainūr Nūrdäuletqyzy külımsırep.
…Nesı bar, bılımdı, adal, meiırımdı, aqyldy zamandasymyzdyŋ asqaq armany oryndalyp jatsa nūr üstıne nūr bolary haq.
Nūrbek JAQANOV,
jurnalist
