Qazaqstanda «Mister Sidr» dep atalatyn alkogolsız susyn uaqytşa satylmaityn boldy. Jaqynda būl jönınde Densaulyq saqtau ministrlıgı Sanitarlyq-epidemiologiialyq baqylau komitetı mälım ettı.
«Komitet män-jailar anyqtalǧanǧa deiın joǧaryda atalǧan önımdı paidalanudan bas tartuǧa jäne mūndai önımdı satylymnan anyqtaudyŋ barlyq jaǧdaiy turaly komitetke nemese obektınıŋ ornalasqan jerı boiynşa aumaqtyq bölımşelerge dereu habarlauǧa şaqyrady» delıngen komitettıŋ habarlamasynda.
Būl susyn jaily osyǧan deiın Reseidıŋ aqparat qūraldarynda jazylǧan da edı. Ondaǧy aqparat boiynşa Samara qalasynda şyǧatyn «Mister Sidr» susynynan Reseide jappai ulanu faktısı anyqtalǧany tırkelgen. 33 adam qaitys bolǧan. Tergeu komitetı qylmystyq ıs qozǧaǧan.
Menıŋ aitpaǧym, jalpy energetikalyq susyn dep satylatyn alkogolsız ışımdıkterden saqtanuymyz kerek. Äsırese jastar jaǧy mūndai susyndarǧa äues bolady. Olar onyŋ qūramynda qandai ziiandy qospalar bar ekenıne de män bermeidı. Osynyŋ bärı eŋ basty bailyǧymyz – densaulyqqa kerı äser etetının bılmeimız. Sondyqtan özım sekıldı jastardy susyndardy saqtanyp ışuge şaqyramyn.
Adel ABDRAHMANOVA,
Astana qalasy
BINOM mektebınıŋ tülegı
