«Mūǧalım qaǧaz jinaidy…»

«Astana aqşamy» 20 qaŋtar küngı № 8 sanynda Bılım jäne ǧylym ministrlıgınıŋ nazaryna «Esepke jüirık ministr eskerer dep otyrmyz» atty maqala jariialaǧan edı.

Elımızdıŋ bas mūǧalımınıŋ nazaryna ūsynǧan mäseleler äleumettık jelılerde qyzu talqylanyp, balasynyŋ bolaşaǧyna alaŋdaǧan ata-analar, ūstazdar, qoǧam belsendılerı pıkırlerın bıldırdı. Maqalada negızgı nysanǧa alynǧan respublikalyq «Bilim-orkenietu» ūlttyq innovasiialyq-ǧylymi ortalyǧynyŋ ūiymdastyruymen ötkızılgelı otyrǧan «Üzdık ǧylymi joba» respublikalyq baiqauy (qatysu jarnasy – 40 000 teŋge) jäne №9 «Zerde» mektebımen bırıgıp ūiymdastyrǧan «Zerdelı tūlǧa» oqu ädıstemelık ortalyǧynyŋ qalalyq olimpiadasy (qatysu jarnasy – 1000 teŋge) ötkızılmeitın boldy. Aldaǧy uaqytta da balasynyŋ bolaşaǧynan ümıt kütıp jürgen qarapaiym halyqtyŋ qaltasyn qaǧuşylar, äsırese, memlekettıŋ ielıgındegı mekemelerge erkın kırıp, aqyly saiystar, baiqaular olimpiadalarǧa ötkızbeuı kerek. Būl bızdıŋ tarapymyzdan qadaǧalauda bolady. Atalmyş materialdyŋ jalǧasy jazylyp, Ükımettıŋ nazaryna ūsynylady. Nazarlaryŋyzǧa maqalaǧa bailanysty kelıp tüsken pıkırlerdıŋ bırneşeuın ūsynyp otyrmyz.

Aiman İsaeva:
– Menıŋ ülken balalarym mūndai jarystarǧa bırneşe ret qatysqan edı. Sızderdıŋ de meselderıŋız qaityp qalmasyn dep ündemei otyr edım. Bırınşıden, mūndai aqyly saiystarǧa qatysuǧa niet bıldıretın ata-analar älı de aramyzda köp. Balasynyŋ saiysqa qatysqanyn qalaǧanymyz jaqsy. Bıraq ülken ūlym «endı ondai jerlerge menı jıbermeŋız» degende oilanyp qaldym. Sebebı onda bala öte köp. Aqyly bolǧan soŋ, onyŋ jauapkerşılıgı de talapqa sai boluy kerek emes pe? Joq, tek aqşa jinap alu maqsatynda ötkızıletın mūndai jerlerge bastaryŋyzdy qatyryp, balany äurege salmaŋyzdar degım keledı.

Aigül Qasbolat:
– Mūǧalım qaǧaz jinaidy. Tekserıs kelse «anaǧan qatysqan», «mynaǧan qatysqan» dep, taǧy da esep üşın… Apama jezdem sai. Bärı bır-bırıne sai bolyp tūr.

Meiram İmanbaev:
– Dūrys mäselenı köterıp otyrsyzdar. Şynynda da, bılım saiystaryn köldeneŋ kök attylar ötkızıp, özderı baǧalap, özderı marapattap jürgenı bılım salasynda eşqandai tärtıptıŋ joq ekenın bıldıredı. Tärtıp kerek-aq.

Tolǧanai Baikenjeeva:
– Qanşama uaqyt boldy. Oquşylarym osyndai qaşyqtyqtan ötetın olimpiadalarǧa jiı qatysady. Bızge qatysyŋdar degen tapsyrma kelgen soŋ, amal joq oryndaimyz. Ol esepterdı özımız mūǧalımder şyǧaramyz. Bıraq bärıbır bos qaitady. Aqşa jürgen jerde qandai tazalyq bolady dep oilaimyn. Oquşylardyŋ ümıtımen oinaityn mūndai jarystardy müldem toqtatu kerek dep oilaimyn.

Erbol:
– Sälem, Güljan. Naǧyz özektı problemany jazypsyŋ ǧoi. Rasynda da mektepke būl problema enıp barady. Ony tezırek qolǧa alu kerek. Balany aqyly olimpiadalarǧa qatystyrǧan degen ne sūmdyq?

Asia:
– Mektepter az, oǧan bala syimai jatsa da, mūǧalım kınälı zaman. Mūǧalımge qūrmet joq zaman. Mūndai olimpiadalarǧa qatysuǧa nūsqau bızge mektep basşylyǧynan keledı. Sızder bızdı de soǧan kınälaisyzdar. Balaǧa söilep qoisaq ta jamanbyz, balalarymyz sabaqqa kelmei qalsa da, bız kınälımız. Bärıne tek mūǧalımdı jaman qyp körsetudıŋ qajetı joq. Bız bar bılgen-tergenımızdı balalarǧa beremız dep jürgen eŋbekkerlermız. Tüsınıŋızder osyny…

(Pıkırlerdıŋ grammatikalyq qatelerı tüzetıldı – G.R.) 

Güljan RAHMAN