MÜMKINDIGI ŞEKTEULI JANDARǦA MÜMKINDIK
Keşe «Han Şatyr» oiyn-sauyq-sauda ortalyǧynda Astana qalasy äkımdıgı Halyqty jūmyspen qamtu ortalyǧynyŋ ūiymdastyruymen Mügedekter künıne arnalǧan şaǧyn konsert öttı.
Jalpy, jyl basynan berı Halyqty jūmyspen qamtu ortalyǧy 552 mümkındıgı şekteulı jannyŋ jūmyspen qamtyluyna jaǧdai jasaǧan. Sonyŋ ışınde 173 adam tūraqty jūmysqa ornalassa, äleumettık jūmys oryndaryna 24 adam, jastar täjıribesı baǧdarlamasy boiynşa 10 adam jūmysqa joldama alǧan. Al 333 mümkındıgı
şekteulı jan qoǧamdyq jūmystarmen qamtylsa, 12 adam eŋbek naryǧyndaǧy sūranysqa ie mamandyqtar boiynşa qysqa merzımdı kurstarda oquǧa mümkındık alǧan.
– Osy aidyŋ basynda mümkındıgı şekteulı jandarǧa arnalǧan bos jūmys oryndar järmeŋkesın ötkızgen bolatynbyz. Sol järmeŋke nätijesınde talai adam jūmyspen qamtylǧan edı. Al bügıngı konsert sol şaranyŋ qorytyndysy retınde ötkızılıp otyr, – deidı jūmyspen qamtu ortalyǧy direktorynyŋ keŋesşısı Arnūr İskakov.
Şara barysynda mümkındıgı şekteulı jandardy jūmysqa qabyldauda belsendılık tanytqan «QazAgro» ūlttyq basqaruşy holdingı», «Auyl şaruaşylyǧyn qarjylai qoldau qory», «Egemen Qazaqstan» respublikalyq gazetı», «Sairan Bırlestıgı», Tūran-Astana universitetı siiaqty üzdık 10 jūmys beruşı mekemeler Astana qalasynyŋ äkımı Äset İsekeşev pen jūmyspen qamtu ortalyǧynyŋ alǧys hattarymen marapattaldy.