Estu qabıletı tömen jandar qazaq qoǧamynyŋ bastamasymen Astana qalasynyŋ ortalyq saiabaǧy mümkındıgı şekteulı jandarǧa arnalǧan jattyǧu qūrylǧylarymen tolyqty. Endı mümkındıgı şekteulı adamdar taza auada bos uaqyttaryn jattyǧu jasap, paidaly ötkıze alady.
Mamyr aiynda ötken Astana qalasynyŋ äkımı Äset İsekeşevpen kezdesu jiynynda ükımettık emes ūiymdardyŋ ökılderı mümkındıgı şekteulı jandar üşın jattyǧu qūrylǧylaryn ornatuǧa uäde bergen bolatyn. Ükımettık emes ūiymdar uädesınde tūryp, mümkındıgı şekteulı azamattardyŋ jattyǧuyna zor mümkındık jasap otyr.
– Jattyǧu qūrylǧylary elordalyq estu jäne söileu qabıletterı tömen qoǧam müşelerınıŋ qoldarymen jasalǧan. Būl syilyqty tartu etudegı maqsat – mümkındıgı şekteulı jandar arasynda būqaralyq sportty damytu. Mügedektık – būl ükım emes, öz aǧzalaryn qalpyna keltıruge talpynǧandar üşın tıptı ömırınıŋ soŋy emes. Senımdılık pen ömır süruge degen qūlşynysy bar mümkındıgı şekteulı jandarǧa sportpen şūǧyldanuǧa mümkındık te mol, – dep sanaidy mamandar.
Funksionaldyq jaǧynan būl qūrylǧylar ädettegıden eş kem emes. Qūrylǧylardyŋ bır aiyrmaşylyǧy sol, erekşe taǧdyr ielerıne ikemdelıp jasalǧan. Osyndai qūrylǧylarmen şūǧyldanu tözımdı boluǧa, küş-quatyŋdy arttyruǧa ärı öz-özıŋe degen senımdılıkke jeteleidı. Sondai-aq, mūndai sporttyq alaŋdar arqyly mümkındıgı şekteulı jandar jaŋa dostarmen tanysuǧa mümkındık alady. Sol sebeptı mädeniet pen demalys saiabaqtary jäne aula alaŋdaryna osyndai qūrylǧylar ornatu qajet. Al jattyǧu qūrylǧylary ortalyq saiabaqtaǧy tennis kortynyŋ maŋynda ornatyldy ärı olarda şūǧyldanu – tegın.
