MŪQTAJ JANDARǦA KÖMEK

Qazaqstan halqy assambleiasy men «Taŋ» tatar-başqūrt mädeni orta­lyǧy qasiettı Qūrban ait merekesı qarsaŋynda äleumettık jaǧynan az qamtylǧan otbasylarǧa qoldau körsetu maqsatynda arnaiy aksiia ötkızdı.

Küllı el aumaǧynda ötkızılıp kele jatqan «Qaiyrymdylyq keruenı» aiasynda ötken şara barysynda Astana qalasynyŋ bıraz tūrǧynyna Qūrban ait merekesıne soiylǧan mal etı taratyldy. «Būl – bır rettık şara emes. Bırneşe jyldan berı ötkızılıp kele jatqan dästürımız. Ärbır mereke qarsaŋynda Astana qalasynda tūratyn bıraz otbasyǧa qaiyrymdylyq şarasyn ötkızıp, azyq-tülık, kiım-keşek, qajettı zat türınde kömektesıp kelemız. Būlardyŋ ışınde jalǧyzbasty jäne köpbalaly analar, zeinetkerler, eŋbek jäne soǧys ardagerlerı, sondai-aq jürıp-tūruy qiyndaǧan qart kısıler bar. Osy joly demeuşı azamattardyŋ kömegımen 20 otbasyna Qūrban ait merekesıne orai et taratyp jatyrmyz. Sonymen qatar, «Nūr Otan» partiiasynyŋ jastar qanatynyŋ müşelerı qariialardyŋ üiıne baryp, jaǧdailaryn bılıp, üilerıne bır rettık tazalyq jürgızıp, aulalaryn retke keltırıp jatyr. Zeinet jasyna kelgen qariialardyŋ sūrauy boiynşa dükenderge baryp, qajettı zattary men azyq-tülıgın satyp aluyna qolǧabys etıp otyrmyz» deidı «Taŋ» tatar-başqūrt mädeni ortalyǧynyŋ atqaruşy direktory Zemfira Nizamutdinova.

Qaiyrymdylyq demekşı, elımızde özgenıŋ jyluy men kömegıne mūqtaj jandar öte köp. Mūndai jandardyŋ basym bölıgı – ärtürlı sebeptermen mügedek atanyp otyrǧandar. Statistikalyq mälımetterge sensek, bügıngı taŋda Astana qalasynda 19 myŋǧa juyq mügedek tırkelgen eken. Onyŋ 9 myŋǧa juyǧy – äielder. Ökınıştısı, būl adamdardyŋ şamamen ekı myŋy ǧana eŋbekke jaramdy bolyp otyr. Iаǧni, tügelı derlık airyqşa qamqorlyq pen äleumettık kömekke mūqtaj degen söz.

Mūndai azamattar, ärine, memleket tarapynan qoldausyz qalyp otyrǧan joq. Qoldan kelgenşe kömek jasalyp, taǧdyrdyŋ jazuymen mümkındıgı şektelıp, mügedek atanyp otyrǧan azamattarǧa öz deŋgeiınde jaǧdai jasalyp otyr. Qoǧamdyq ūiymdar tarapynan da qoldau körsetılıp, arnaiy qor qūryp, mereke künderı qarsaŋynda demeuşıler tartyp, kömekke mūqtaj jandarǧa kömek jasalyp otyrǧanyn aita ketu kerek. Mäselen, Qūrban ait meiramyna orai QMDB qaiyrymdylyq qorynyŋ ūiymdastyruymen demeuşılerdıŋ qarajaty esebınen 130 otbasyna qaiyrymdylyq körsetıldı. Şara barysynda 1300 kelıdei siyr etı jetkızılıp, är otbasyna 10 kelıden ülestırıldı. Azyq-tülık qorjyny da taratylyp, balalarǧa oiynşyq, tättı-dämdıler berıldı. Mol dastarhan jaiylyp, dūǧa oqyldy. «Basty maqsat – igı ıstı körsetu arqyly halyqty mūqtaj adamdardyŋ mūŋyn bölısuge şaqyryp, kömek qolyn sozuǧa ündeu» deidı QMDB qaiyrymdylyq qorynyŋ ökılı Dina Boranbaeva.

Bürkıt NŪRASYL