Qūrban ait merekesı künderı Nūr-Sūltan qalasy äkımdıgınıŋ bastamasymen «Astana jastary» jastar resursy ortalyǧynyŋ erıktılerı jäne avtovolonterlerdıŋ ūiymdastyruymen äleumettık az qamtylǧan otbasylarǧa jäne mūqtaj jandarǧa et taratyldy.
– Qūrban ait merekesıne orai Nūr-Sūltan qalasynyŋ belsendı jastary, qala tūrǧyndary, audandyq äkımdıkterdıŋ, qalalyq basqarmalardyŋ ökılderı bırıge otyryp, üş kün boiy mūqtaj azamattarǧa et taratudy ūiymdastyryp jatyr. Būl ıs-şaraǧa volonterler men avtovolonterler qatysyp otyr. Olardyŋ jalpy sany 500-den asady. Būl ıs-şara äkımdıktıŋ qoldauymen soŋǧy bes jylda tūraqty türde jüzege asyrylyp kele jatyr, – dedı Jastar saiasaty mäselelerı basqarmasynyŋ bölım basşysy Aian Ermentaev.
Būl ıs-şaranyŋ basty maqsaty – qasiettı merekede mūsylmandyq paryzdy oryndau, mūqtaj jandarǧa kömektesu.
«Qūrban ait merekesıne orailastyrylyp ötkızıp jatqan būl ıs-şaranyŋ sauaby mol. Qūrbandyqqa şalǧan mal etınıŋ bır bölıgın äleumettık az qamtylǧan otbasylar men mūqtaj jandarǧa taratyp berıp jatyrmyz. Köŋıl küiımız keremet. Osyndai igı ıske atsalysqanyma quanyştymyn» deidı erıktılerdıŋ bırı Damir Aitymov.
Aita keteiık, elordalyq volonterler būǧan deiıngı merekelerde de mūqtaj otbasylarǧa azyq-tülık sebetın taratyp,
