Säken Seifullin mūrajaiy jyl saiyn Astana qalasy äkımdıgınıŋ qoldauymen respublikalyq jyr müşäirasyn ötkızedı. Biyl jetınşı märte ūiymdastyrylǧan aqyndar saiysynyŋ jeŋımpazdary anyqtaldy. «EKSPO-2017» körmesıne arnalǧan biylǧy müşäira «Qazaqstanym-Ǧajapstanym» ataldy. Oǧan elımızdıŋ är aimaǧynan 50-ge tarta aqyn qatysty.
Belgılı jazuşy, ǧalym, Memlekettık syilyqtyŋ laureaty Qoişyǧara Salǧaraūly bastaǧan qazylar alqasynyŋ şeşımımen bas jüldenı tanymal aqyn, halyqaralyq «Alaş» ädebi syilyǧynyŋ iegerı Ǧalym Jailybai «Qazaqstan», «Ruh jyry», «Qaratau» toptamalary üşın ielendı.
Bırınşı oryn Oŋtüstık Qazaqstan oblysy, Maqtaaral audanynyŋ tumasy Yqtiiar Myrzaqūlovqa būiyrdy. Qazaqstannyŋ negızgı 21 qalasyn jyrǧa qosyp, elımızdıŋ kelbetın jarqyrata aşa bılgen, oqyrmanǧa köp tanyla qoimaǧan jas aqyn müşäiranyŋ jaŋalyǧy boldy.
Qyzylordalyq belgılı aqyn Tolybai Abylaevqa «Jerūiyq» tolǧauy, astanalyq jas aqyn Arman Şerizatqa «Astana» öleŋı üşın ekınşı oryn berıldı.Almatylyq Ǧalym Qalibekūly «Qazaqstan – mäŋgılık mahabbatym» toptamasymen, astanalyq Oljas Qasym «Ebınei körgen EKSPO», aiagözdık Aqaş Köksegenov «Menıŋ altyn tıregım» tolǧaularymen üşınşı orynnan körındı.
Al Dostyq Tıleubergenov (Qyzylorda oblysy) «Kök tudy süiem», astanalyq aqyndar – Ūlarbek Dälei «Esıl boiyn jaǧalata üi tıktım», Baltabek Nūrǧali «El baqyty – Elbasy», Quat Rahatūly «Arman qala – Astana», Mūqiiat Qoişybai «Gül kömkergen Saryarqa» öleŋderı üşın yntalandyru syilyqtaryna ie boldy.Būl aqyndardy marapattau räsımı «Jastar» teatrynda 3 şılde künı ötedı.
Amanǧali QALJANOV
