Astana künı merekesınıŋ qarsaŋynda «MuzArt» toby bas qalada konsert berudı dästürge ainaldyrǧandai. Būl joly da jıgıtter dästürden jaŋylmai, «Qazaqstan» ortalyq konsert zaly sahnasynda än şyrqap, elorda halqy men qonaqtaryna tamaşa tartu jasady.
Onyŋ aldynda Meirambek Bespaev, Säken Maiǧaziev jäne Kenjebek Janäbılov «Ana men bala» ūlttyq ǧylymi ortalyǧyna baryp, auyr dertke şaldyqqan balalarmen jüzdestı. Süiıktı änşılerın betpe-bet körgen balalardyŋ köŋılı kezdesuden köterılıp qaldy.
Top müşelerı ışınde äleumettık jelıde oily sözderdı aitumen erekşelenetın Säken Maiǧaziev: «Jaratuşymyz synaqty kötere alatyn jandarǧa beredı. Sondyqtan köŋılderıŋızdı tüsırmei, tek jaqsy oilaŋyzdar» dedı.Ortalyqta emdelıp jatqan baldyrǧandardyŋ arasynda önerge qūmarlar kelgen qonaqtardyŋ aldynda än aityp, bi biledı. Kezdesudıŋ soŋynda top müşelerı balalarmen suretke tüsıp, qoltaŋbalaryn berdı.
Al «Raqmet, saǧan tuǧan el!» atauyn alǧan toptyŋ konsertı «EKSPO-2017» halyqaralyq mamandandyrylǧan körme aiasynda, Astana künıne arnaldy. Körermenderdıŋ köptıgınen olar konserttı bır künde ekı ret ötkızdı. Jandy dauysta ötken keşke
«MuzArt» ansamblımen qatar «MuzArt LIVE» megajobasynyŋ jeŋımpazdary qatysty. Onyŋ barysynda toptyŋ el auzynda jürgen hit änderı oryndaldy. Repertuary bai toptyŋ jaŋa änderınıŋ de tūsauy kesıldı.
Amanǧali Qaljanov
