Mūzdy mūnara
Jyldan-jylǧa halqy köbeigen Astanada būqaralyq sportqa basa köŋıl bölıngen. Būl elorda äkımdıgınıŋ «20 naqty bastama» jobasynyŋ eŋ bırınşı qadamynda da naqtylandy. Jūrttyŋ dene şynyqtyruǧa den qoiuyna bastaityn ıstıŋ basy – sport infraqūrylymdaryn damytu. Mysaly, şahardaǧy «Alau» mūz aidyny saraiy arqasynda konkimen syrǧanaudy äues köretın tūrǧyndardyŋ qatary köbeiıp keledı.
Alty jasar «Alau»
Aşylǧanyna jaqynda ǧana alty jyl tolǧan «Alau» būl künde elordalyqtardyŋ qoldary qalt etse, jinala qalatyn qalauly oryndardyŋ bırıne ainaldy. Älemdık standarttarǧa sai jabdyqtalǧan mūz saraiynyŋ bügıngı tynys-tırşılıgı turaly bızge atalmyş sport keşenınıŋ direktory Sauyrbai Esjanov egjei-tegjeilı äŋgımelep berdı.
– Soŋǧy jyldary halyq arasynda qysqy sport türlerıne degen qyzyǧuşylyqtyŋ artyp kele jatqany baiqalady. Oǧan, ärine, bızdıŋ mūz saraiynyŋ yqpaly mol desem, qatelespeitın şyǧarmyn. Būl sözımdı naqty derektermen de aiǧaqtai alamyn. Mäselen, osydan üş-aq ai būryn, jeltoqsan aiynda «Alaudyŋ» alty jyldyǧyn atap öttık. Osynau jyldar aralyǧynda sport keşenıne keluşılerdıŋ sany jarty millionnan asyp kettı. Eŋ alǧaş keşen paidalanuǧa berılgende bır aidyŋ ışınde 7 543 adam mūz aidynda syrǧanady. Būdan keiın būl körsetkış eselene tüstı. Kelesı jyly jalpy 42 201 adam «Alauǧa» at basyn būrsa, bır jyldan keiın, dälırek aitsam, 2013 jyly 90 041 adam kelgen. Al 2014 jyly keluşıler sany, tıptı, 151 441-ge jettı, – dedı Sauyrbai Kölıbaiūly.
Sport keşenın būqaralyq ortaǧa ainaldyru üşın jeŋıldıkter de qarastyrylǧan. «Alau» jetı jasqa deiıngı balalardy, köp balaly otbasy men balalar üiınıŋ tärbielenuşılerın jäne bırınşı, ekınşı toptaǧy mügedekterdı tegın qabyldauǧa ärdaiym daiyn. Sondai-aq, zeinetkerler, studentter jäne üşınşı toptaǧy mügedekter 50 paiyzdyq jeŋıldıkpen mūz aidynyna bas sūǧa alady.
Sonymen qatar, byltyr jalpy biletterdıŋ baǧasy 500 teŋgege arzandatylǧan. Būl kelu-şılerdıŋ köbeiuıne aitarlyqtai äserın tigızıptı. Dälıregı, aidyndaǧy aǧaiynnyŋ qarasy 2000-3000 adamǧa artqan.
Ortalyq basşysynyŋ aituynşa, qazır mūz saraiyna qai audannyŋ tūrǧyndary az keletını anyqtalyp, sol boiynşa jūmystar jasalyp jatyr eken. Jürgızılgen saraptamalar nätijesınde keluşılerdıŋ 68 paiyzy Esıl audanynyŋ tūrǧyndary ekenı belgılı boldy. Būl tūrǧyda qalǧan audandardyŋ jūrty belsendı bolmai tūr: Almaty audany – 12%, Saryarqa audany – 10%. Endı osy audandardyŋ tūrǧyndaryn köptep tartu jaǧy qolǧa alynyp jatyr. Oǧan qosa, keluşılerdıŋ 2%-yn qūraǧan şalǧai aimaqtardyŋ halqyna da män berılmek.
«EKSPO» kezınde mūz erıtılmeidı
Alau – «jyldam mūz» daiyndauǧa qauqarly, zamanaui joǧarǧy tehnologiialyq qūral-jabdyqtarmen jabdyqtalǧan, älemdık deŋgeidegı mūz saraiy. Bıregei keşen – Astanadaǧy säuletı köz tartarlyq ǧimarattardyŋ bırı. Biylǧy aituly «EKSPO» körmesınıŋ qarsaŋynda būl mūz saraiynyŋ esıgı qysqy sportqa qyzyǧuşylar üşın de aşyq bolmaq. Iаǧni, jazdyŋ aptap ystyǧynda da «Alaudyŋ» mūzy erıtılmeidı. Būl turaly bızge ortalyqtyŋ direktory Sauyrbai Esjanov mälımdedı.
Halyqaralyq körmege orai, osy mausymda mūz aidyndary da erekşe bederlendı. Jappai syrǧanauǧa arnalǧan negızgı aidynda «EKSPO» logotipı men ūlttyq oiu örnekter körınıs tapty. Osy uaqytqa deiın būl aidyndar tek bır türlı örnekpen zerlenıp kelgen.
Bızdıŋ elge taŋsyq būl mūz töseu tehnologiiasyn qazır özımızdıŋ qaraközderımız de meŋgerıp alypty. «Alau» alǧaş aşylǧanda būl jūmys tek gollandiialyq mamandarǧa senıp tapsyrylǧan. Kele-kele solardyŋ jandarynda qolǧabys bop jürgen özımızdıŋ azamattar būl ıstı bırjola özderınıŋ qoldaryna alǧan. Solardyŋ bırı – Saǧyndyq Jolşybekov esımdı maman.
– Men osynda jūmys ıstep jürgenıme alty jyldan asty. Iаǧni, «Alau» «Alau» bolǧaly osyndamyn. Basynda mūz töseudı gollandiialyq mamandarmen bırge kömektese jürıp atqaratynbyz. Qazır būl şaruaǧa tolyǧymen özımız jauap beremız. Jyl saiyn täjıribemız tolysyp, basqa aimaqtardan da sūranys bolyp jatyr. Mysaly, jaqynda Almaty qalasynda ötken Universiada kezınde arnaiy baryp qyzmet ettık. Jalǧyz bız emes, jan-jaqtan türlı tısqaqqan mamandar jinaldy. Ärqaisysynyŋ özınıŋ mūz qūiu qūpiiasy bolady, – dedı ol.
Sonymen qatar, mūnda jyldaǧy dästür boiynşa 1 mamyrdan bastap jazǧy ortalyq jūmys ısteidı.
Balalardyŋ tūsauy mūz aidynynda kesıledı
Demalys künderıne qosa, mereke künderı «Alau» mūz saraiy türlı ıs-şaralardy ūiymdastyruǧa ūiytqy bolyp jür. Būl būqaranyŋ sportqa bet būruyna oŋ yqpal etetını sözsız. Endı aldaǧy «Nauryz» meiramyn da erekşe atap ötudı josparlap otyr.
Ūlystyŋ ūly künıne arnalǧan qyzyqty şaralar 17 nauryzdan bastalady. Osy künı «Alaudan» tabylǧandar «Dombyra Party» dumanyn tamaşalap, ūlttyq aspapta oinai alsa, özderınıŋ önerın de tartu ete alady. Sonymen qatar, Taniuşa esımdı büldırşınnıŋ emdeluıne qajet qarajatty jinau üşın qaiyrymdylyq şarasy ötkızıledı.
Jūmys künı bolǧandyqtan, būl künı jappai syrǧanau üşın ülken aidyn keşkı saǧat 19.00-den bastap köpşılıktıŋ igılıgıne jaraidy.
Kelesı künı «Alauǧa» at basyn būrǧandardyŋ arasynda konkimen syrǧanaudan jarys ötedı. 100 metr qaşyqtyqta jüirık şyqqandarǧa jappai syrǧanaudyŋ biletterı ülestırıledı. Oǧan qosa, #Alauspring heştegımen İnstagram arqyly mūz aidyndaǧy üzdık suretterge bäige jariialanady. Būǧan belsendı atsalysqandardyŋ fotolary LED-ekrandardan körsetıledı.
19 nauryzda «Asyq Party» atty asyq atudan jarys ūiymdastyrylady. Būl oiynda köpşılıkpen bırge, Qalleki teatry men «Jastar» teatrynyŋ akterlerı baqtaryn synap körmek.
Odan keiın üş kün boiy suretşıler qauymy öz tuyndylaryn ūsynady. Sondai-aq, «Qara jorǧa» biın bileuden fleşmob ötedı.
Al 22 nauryz künı «Svetoch» balalar üiı tärbielenuşılerınıŋ «Alauda» tūsauy kesıledı. Būl räsımge jazuşy, ılespe audarmanyŋ şeberı Qamal Älpeiısova qatysady. Kışkentailar alǧaşqy qadamdaryn mūzda basyp, konkimen syrǧanaudy jailap üirene bastaidy. Oǧan qosa, «Qyz quu» oiyny da ūiymdastyrylady.
Jalpy merekelık şaralar 26 nauryzǧa deiın jalǧasyn tabady. Belsendı tūrǧyndarǧa «Nauryznama» syilyqtary taratylady. «Alaudyŋ» esıgı kelem deuşılerge ärqaşan aiqara aşyq.
Orynbek ÖTEMŪRAT