Muzyka mektebınıŋ mäselesı mazalaidy

Juyrda «Astana aqşamy» gazetınde «Oŋtailandyrǧannan ne ūtamyz?» atty maqala jariialandy. Osyǧan bailanysty qolyma qalam aluyma tura keldı.

Özım 52 jyl pedagogika salasynda jürıp solaqai saia­sattyŋ saldarynan bala­lar muzyka mektebı tügı­lı, qanşama qazaq mektepterınıŋ jabylǧanyn kördım. 1973-1984 jyldary arnaiy joldamamen qaimaǧy būzylma­ǧan taza qazaq auyldary bar Qorǧaljyn audanynda dombyradan därıs berdım. Sol kezeŋderde muzykaǧa öte qabılettı balalar sabaqtyŋ bärı orys tılınde ötetındıkten, bır-ekı jyldan keiın tastap ketuge mäjbür bolatyn. Qyzmet barysynda Minsk, Tallin, Kiev qalalaryna barǧanymda, atalmyş elderdıŋ bärınde muzyka mektepterı öz ana tılderınde oqytylatynyn kördım. 1990 jyldardyŋ basynda №4 Jambyl atyndaǧy mektepke direktordyŋ orynbasary qyzmetıne keldım. Sol kezdegı Bılım ministrınıŋ orynbasary Şämşa Berkımbaevamen kezdesuımnıŋ nätijesınde Selinograd qalasynda 1991 jyly eŋ alǧaşqy Qazaq ūlttyq muzyka mektebın aşyp, direktory bolyp taǧaiyndaldym. Ökınışke qarai, sol jalǧyz ūlttyq degen söz üşın bır jyldan keiın qaladan ketuge mäjbür boldym. Aqmoladaǧy alǧaşqy ūlttyq qazaq muzyka mektebınıŋ ırgesın qalaǧan azamat retınde ony jüzege asyru maǧan jeŋıl timedı. Osy jyldary körmegen qiyndyǧym joq. 1992 jyly ūlttyq muzyka mektebıne nemese özıme ziiany times üşın erkımnen tys jūmystan ketuge mäjbürledı. Sodan berı būl mektep ūjymynyŋ basynan mäsele arylǧan emes. Qanşama ret köşıp-qonyp jürdı. Būl mektepten aldymen «Ūlttyq» degen, odan keiın «Qazaq» degen sözderdı alyp tastady. Qazır jai ǧana «№1 Balalar muzyka mektebı» dep atalady. Osy ekı qasiettı sözdıŋ kımnıŋ taqiiasyna tar kelgenın älı künge deiın tüsıne almadym. Qazırgı uaqytta 1200 oquşy taza ana tılınde oqityn mektep kezınde bızdıŋ ata-­analarymyzdyŋ armany edı.
Osy oŋtailandyrudy estıgennen berı ata-analardyŋ, ūstazdardyŋ, ziialy qauymnyŋ mazasy ketude. Aqyry ne bolmaq? Qosymşa bılımdı oŋtailandyru mäselesıne halyq qalaulylary da nazar audara bastaǧany quan­tady. Bız üşın oŋdy şeşım qabyldanǧany maŋyzdy.

Ospan SÜLEIMENŪLY,
ūstaz,
QR Bılım beru ısınıŋ
üzdık qyzmetkerı