Myŋ san saual ortalyǧy
Būqaralyq aqparat ökılderı Astana Qoǧamdyq densaulyq saqtau basqarmasy medisinalyq aqparattyq bailanys ortalyǧynda (Sall-centre) bolyp, onyŋ jūmysymen tanysty.
«1430» nömırıne telefon şalu arqyly adam densaulyǧyna qatysty, qalanyŋ medisina salasy qyzmetınıŋ sapasy, mekemelerdıŋ jūmysyna qatysty kez kelgen ötınış-talapty aityp, sūraqtarynyŋ jauabyn aluǧa bolady. Ol üşın ortalyqta 41 qyzmetker, onyŋ ışınde 29 operator, 9 medisinalyq keŋesşı, 1 ǧylymi jetekşı jūmys ısteidı.
Sonymen bırge, kelıp tüsken aqparattardy tırkep, ony retıne qarai tiıstı medisinalyq mekemelerge taratyp, onyŋ jüzege asyryluyna da baqylau jasai alady. Mysaly, ortalyqqa ötken aida 52 myŋ adam habarlassa, jyl basynan berı 217 myŋ qoŋyrau şalynyp, tūrǧyndar öz sūraqtarynyŋ jauabyn alǧan.
Būl qyzmettıŋ tiımdı jerı – adam densaulyǧyna qatysty jaittardy, alǧaşqy keŋestı därıgerlerden bıluge bolady. Jaǧdaiǧa qanyqqan täjıribelı därıger baǧyt sıltep, ärı qarai oqiǧanyŋ dūrys örbuıne jol körsetedı.
Būdan bölek, astanalyqtardyŋ arasynda tüsındırme jūmystaryn da jürgıze alady. Ambulatoriialyq därı-därmektermen qamtamasyz etu, mındettı medisinalyq saqtandyru qoryna qatysty mäseleler de jaqsy keŋesşı bola alady. Osy qyzmettıŋ jauapty basşysy Läzzat Ryspekova ortalyqqa künıne 2 myŋdai adam habarlasatynyn aitty.