Elordada tamaq qaldyqtaryn ūtymdy paidalanuǧa jäne halyqtyŋ qoqystaryn bölek saqtau bölıgınde ekologiialyq mädeniet qalyptastyruǧa baǧyttalǧan joba jüzege asyp jatyr.
«Äleumettık jobalardy damytu aiasynda Nūr-Sūltan qalasynyŋ Qorşaǧan ortany qorǧau jäne tabiǧatty paidalanu basqarmasy elorda aulalarynda nan qaldyqtaryn kädege jaratu üşın arnaiy jasyl tüstı böşkeler ornatty. Jergılıktı investorlardy tartu esebınen qala äkımdıgı elorda audandarynda böşkelerdı ornalastyru üşın tiıstı oryndar belgıledı, onda tūrǧyndar nan qaldyqtaryn tastai alady. Joba käsıpkerler men äkımdıkter arasyndaǧy memorandum negızınde jüzege asyryluda. Bügıngı taŋda elordada 400-ge juyq böşke ornatylǧan. Jaqyn arada qalanyŋ barlyq konteinerlık alaŋdaryn qamtu josparlanyp otyr, olardyŋ bügınde 5 myŋnan astamy bar. Menıŋ oiymşa, būl – öte perspektivaly jäne qajet joba. Būl rette ony ıske asyruǧa biudjet qarajatynyŋ bır tiyny da jūmsalǧan joq» dep mälım ettı Nūr-Sūltan qalasynyŋ Qorşaǧan ortany qorǧau jäne tabiǧatty paidalanu basqarmasynyŋ qatty tūrmystyq qaldyqtardy retteu jäne su betın tazartu bölımınıŋ basşysy Aidar Raşid.
Erekşe aita keterlıgı, joba tek nan qaldyqtaryn öŋdeuge ǧana baǧyttalǧan. Arnaiy ornatylǧan böşkelerge özge de qaldyqtardy tastaityn tūrǧyndar bar, al būl osy salada jürgen käsıpkerlerdıŋ jūmysyn qiyndatady. Elorda tūrǧyndaryn özgenıŋ eŋbegıne qūrmetpen qarauǧa şaqyramyz.
Jasyl böşkelerden alynǧan nan qoimaǧa şyǧarylady, onda ol buyp-tüiılıp, artyq qoqystan tazartylady. Kelesı qadam – nan qaldyqtary türındegı şikızat granuliator dep atalatyn jerge ornalastyrylady, sol jerden üi januarlaryna arnalǧan jem tüiırşıkterı şyǧady. Olar qajettı därumendermen tolyqtyrylǧan. Bır kilogramynyŋ baǧasy 130 teŋgeden asady.
İnvestorlar osyǧan ūqsas ädıspen tauyqtar men balyqtarǧa arnalǧan jem jasaudy josparlap otyr. Būl üşın tek januarlardyŋ rasionynda boluy tiıs qosymşa vitamindık elementterdı taŋdau kerek. Nan qaldyqtaryn topyraqqa arnalǧan tyŋaitqyştar öndırısınde paidalanu da josparda bar. Qazır öndırıste künıne ekı tonnaǧa deiın nan öŋdeledı.
