Keşe Nūr-Sūltan qalasynyŋ äkımdıgınde Esırtkı tasymaly men halyqaralyq naşaqorlyqqa qarsy küres künıne arnalǧan ıs-şara ötkızıldı.
Respublika kölemınde ūiymdastyrylǧan onlain-seminardy Qazaqstan Respublikasy Premer-ministrınıŋ orynbasary Eraly Toǧjanov aşyp, esırtkı tasymaly men jastar arasyndaǧy naşaqorlyqtyŋ beleŋ alyp bara jatqanyna toqtaldy.
Alqaly jiynǧa QR Işkı ıster, Aqparat jäne qoǧamdyq damu, Bılım jäne ǧylym, Densaulyq saqtau, Mädeniet jäne sport ministrlıkterı Nūr-Sūltan qalasy äkımdıgı men basqa da vedomstvolardyŋ ökılderı qatysty.
1987 jylǧy Bırıkken Ūlttar ūiymy Bas assamleiasynyŋ şeşımımen 26 mausym – Halyqaralyq naşaqorlyqqa qarsy küres künı dep belgılenıp, osy künı jer betındegı sanaly ūrpaq tärbielep otyrǧan barlyq adamzat balasy jahandyq qauıptı ındet – naşaqorlyqty joiu üşın küş bırıktıruge ūmtylady.
Atalǧan ūiymnyŋ mälımetterı boiynşa tek ötken on jylda būl asa qaterlı keselmen auyratyndar sany jiyrma ekı paiyzǧa ösken. Älemde şamamen 275 million naşaqor esepte tūrady. Esırtkı jyl saiyn 500 myŋnan astam adamnyŋ ölımıne sebepşı bolady.
On toǧyz million halqy bar Qazaqstan üşın esırtkıge täueldılıktıŋ eleusız körsetkışınıŋ özı de ūlttyq qauıpsızdıkke aitarlyqtai qater ekenı belgılı.
Memleket basşysy Qasym-Jomart Toqaev Qazaqstan halqyna arnaǧan Joldauynda esırtkı, sonyŋ ışınde sintetikalyq esırtkı bolaşaq ūrpaqtyŋ ömırıne asa qauıp ekenın aita kelıp, onymen kürestı bır sät te toqtatpaudy tapsyrdy.
Qazır elımız boiynşa esırtkı qylmysyna qarsy ıs-qimyl jäne naşaqorlyqtyŋ aldyn alu şaralary boiynşa 2022-2023 jyldarǧa arnalǧan jol kartasy bekıtıldı.
Keiıngı kezde balalar men jasöspırımder arasyndaǧy esırtkı küresıne bailanysty jergılıktı atqaruşy organdardyŋ rölı küşeitıldı.
Elımızde jyl saiyn jüielı türde «qarasora» operasiiasy jürgızılıp keledı. Osyndai tiıstı organdardyŋ qataŋ baqylauynyŋ arqasynda jyl basynan berı 1400 esırtkı tasymalynyŋ joly kesılıp, 1300 Qazaqstan azamaty men 67 şeteldık 150 äiel adam men 22 kämeletke jasy tolmaǧan jetkınşek qylmystyq jauapkerşılıkke tartyldy. Olardan alynǧan 1,2 tonna köknär, 312 kelı gaşiş, 110 kelı sintetikalyq esırtkı joiyldy.
Qazır kez kelgen balanyŋ internetke qoljetımdı ekenı belgılı. Mıne, sol jarnamanyŋ astynda bürkelıp nemese bos jūmys oryndary sanatynda berıletın habarlandyrularǧa asa qyraǧylyqpen qarau kerektıgı de tılge tiek etıldı.
Is-şaranyŋ ekınşı bölımı osy taqyryptaǧy seminar pıkır almasuǧa ūlasty.
Sondai-aq basqosuda naşaqorlyqtyŋ aldyn alu, esırtkı tasymalyna tosqauyl qoiu mäselelerı jönınde qoǧamdyq ūiym müşelerı men basqa da adamdar öz oilaryn ortaǧa saldy.
Seminardyŋ jūmysyna Nūr-Sūltan qalasy äkımınıŋ orynbasary Berık Jäkenov qatysty.
