Biylǧy jylǧy Nauryz meiramyna Astanalyq oqu oryndary erekşe daiyndyqpen kelıptı. Osy joly Astana qalalyq Tılderdı damytu basqarmasy şahardaǧy Medisinalyq-tehnikalyq kolledjdıŋ Nauryz merekesıne äzırlıgın tekserdı. Būl oraida būrnaǧy jyldardaǧydai emes, endı kolledjder men joǧary oqu oryndary jeke-jeke jarysatyn bopty.
Atalmyş kolledj elımızde tıs tehnikterı men optikterın, stomatologtar men farmasevt-provizorlardy daiarlaityn bırden-bır orta arnauly oqu orny eken. Kolledj direktory, medisina ǧylymynyŋ kandidaty Aigül Janatqyzynyŋ aituynşa, oqu orny keleşekte keŋeiıp, ülken oqu ordasyna ainalatyn türı bar.
Nauryz ötetın kolledjdıŋ akt zaly qazaqtyŋ ūlttyq atributtarymen bezendırılıp, qabyrǧalaryna qazaqy oiu-örnektı, türlı-tüstı kılemşeler, syrmaqtar, qasqyrdyŋ, tülkınıŋ terılerı ılınıp, ädemı de aişyqty körkem jazularmen kömkerılgen eken. Kolledjge qonaq retınde kelgen belgılı aqyn, Ä.Bökeihanov atyndaǧy syilyqtyŋ laureaty Baqytjan Tobaiaqov Jaŋa jylqy jylyna arnaǧan jyrynan şaşu şaşyp, aq batasyn berdı. Tılderdı damytu basqarmasynyŋ mamandary Erjan Eŋsebaev pen Baǧlan Asylbekov qūttyqtau söz söiledı.
Köktem merekesınıŋ konserttık baǧdarlamasy da mazmūndy öttı. Mūnda ata salt-dästürımızge bailanysty türlı sketchter, intermediialar qoiylyp, kolledj şäkırtterı äuelete än salyp, naqyşyna keltırıp bi biledı. Sonymen bırge osynda endı-endı qaz-qaz tūryp, täi-täi basar böbektıŋ tūsaukeser räsımı ötkızıldı. Soŋyra direktordyŋ orynbasary Baltabai İbragimbekov Ş.Sarievtıŋ sözıne jazylǧan K.Düisekeevtıŋ «Oilan, balam» atty änın şabyttana oryndap berdı.
Saǧi ORAL
