Memleket basşysy Prezident Äkımşılıgınıŋ basşylyq qūramymen kezdestı.
Elbasy kezdesu barysynda Ädılbek Jaqsybekovke Prezident Äkımşılıgınıŋ Basşysy lauazymynda jäne basqa da memlekettık qyzmetterde atqarǧan jūmysy üşın alǧys aityp, onyŋ Qazaqstan Respublikasy memlekettılıgın qalyptastyru jäne damytu ısıne zor üles qosqanyn erekşe atap öttı.
Nūrsūltan Nazarbaev jiynǧa qatysuşylarǧa Prezident Äkımşılıgınıŋ jaŋa basşysy Äset İsekeşevtı tanystyrdy.
– Äset Örentaiūly menıŋ kömekşım boldy, ministr, Premer-ministrdıŋ orynbasary qyzmetterın atqardy. Bas qalamyzda jūmys ıstegen soŋǧy ekı jarym jyl ışınde elordalyqtardan joǧary baǧa aldy. Ol belsendı ärı kreativtı ūstanymmen erekşelenedı. Qazır bızge däl osyndai adam kerek. İsekeşev elordaǧa äkım bolǧan uaqytta bız «EKSPO-2017» körmesın jäne Astananyŋ 20 jyldyǧyn abyroimen ötkızdık. Äset Örentaiūly būl mındettı de laiyqty oryndai alatynyna senımdımın, – dedı Memleket basşysy.
Elbasy jiyn soŋynda elımızdıŋ ekonomikalyq ösımın jäne halyqtyŋ äl-auqatyn odan ärı arttyru ısınde Prezident Äkımşılıgınıŋ basty röl atqaratynyn atap ötıp, onyŋ aldaǧy kezeŋge arnalǧan jūmystarynyŋ negızgı basymdyqtaryn belgılep berdı.
– Apparat aldynda būǧan deiın qabyldanǧan memlekettık baǧdarlamalardyŋ jüzege asyryluyn jäne oryndaluyn qamtamasyz etu jönındegı maŋyzdy mındet tūr. Bügınde jūmys auqymy öŋırlık deŋgeige auysqanyn erekşe atap ötkım keledı jäne barlyq deŋgeidegı äkımderdıŋ qyzmetın tiımdı üilestırıp, olardyŋ özara yntymaqtasa eŋbek etuıne kömektesu qajet, – dedı Nūrsūltan Nazarbaev.
