«Elorda aqparat» media resursy men «Astana» radiosynyŋ bırlesken jobasy «Elorda tynysy» radiohabarynyŋ kezektı qonaǧy «Astana-BEO» JŞS bıryŋǧai tölem qūjaty basqarmasynyŋ basşysy Elena Iýgrinova boldy.
ONLAIN TÖLEM JASAUǦA BOLADY
Radiohabar barysynda mekemelerınıŋ qūrylǧan uaqytynan bastap jūmystary jaily äŋgımelegen Elena Iýgrinova äue tolqynyndaǧy tyŋdarmandardyŋ saualdaryna da jauap berıp otyrdy.
– «Astana-BEO» JŞS bıryŋǧai tölem qūjaty basqarmasy – kommunaldyq qyzmetter üşın tölemderın jinau jäne esep aiyrysu jüiesın jetıldıruge negızdelgen mamandandyrylǧan käsıporyn. Tūtynuşylarǧa kommunaldyq qyzmetterdıŋ sapasyn jaqsartu maqsatynda bıryŋǧai esep aiyrysu ortalyǧyn qūru boiynşa Astana qalasy ıs-şaralar josparyna säikes, 2008 jyldyŋ tamyzynda qalalyq äkımdıktıŋ qoldauymen «Astana su arnasy» memlekettık kommunaldyq käsıpornynyŋ bazasynda qūrylǧan bolatyn. Qazırgı uaqytta mekemede 140-qa juyq adam jūmyspen qamtylyp otyr, – degen Elena Iýgrinova äŋgımenı ärıden bastady. – «Astana-BEO» JŞS-tıŋ negızgı mındetterı – jetkızuşıler, tūtynuşylar men bankter turaly derekterdı qamtityn kommunaldyq şaruaşylyǧyn bıryŋǧai derekter bazasyn qūru jäne sumen jabdyqtau, kärızdendıru qyzmetterı, jylu, elektr, QTQ şyǧaru, telefon, internet, lift basqaru, ekspluatasiialyq şyǧyndar, domofon siiaqty qyzmet türlerın qamtityn bıryŋǧai tölem qūjatyn (BTQ) qalyptastyru. Jyl saiyn tūtynuşylarda jer salyǧy men menşık salyǧyn bır tübırtekpen töleuge mümkındık bar. Qazırgı uaqytta serıktestık 270 myŋnan astam derbes şottar boiynşa qyzmet körsetedı jäne 500-den astam qyzmetterdı jetkızuşılermen jūmys ısteidı.
Jaqynda atalmyş mekemenıŋ jūmysyn äleumetke jariialaityn resmi gazet şyǧa bastaǧanyn aitqan Elena Iýgrinovanyŋ aituynşa, bügınde tūrǧyndar atalmyş gazet arqyly osy salaǧa qatysty qajettı aqparatqa qanyq bolady. Eger elordalyqtardy qandai da bır sūraqtar mazalap jürse, basylym redaktoryna habarlasyp, mamandardan jazbaşa jauap aluǧa bolatynyn tılge tiek etken mekeme basşysy qazırgı uaqytta sait jobasynyŋ da jaŋartylyp jatqanyn jetkızdı. Juyrda osy sait arqyly tūrǧyndarǧa esepteuış qūraldardyŋ sanaǧyn ǧalamtor arqyly köruge, sol siiaqty tölemdı de eşqaida şyqpai-aq onlain türınde jasaityndai mümkındıkter qarastyrylyp jatqan körınedı.
ALAŊDAUǦA EŞ NEGIZ JOQ
Sonymen qatar, Elena Iýgrinova soŋǧy uaqyttaǧy tübırtektı jetkızudıŋ keşeuıldeuınıŋ sebebın de tüsındırıp öttı.
– Qazan aiynda qala tūrǧyndary «Astana-BEO»-nyŋ tübırtekterınıŋ keşıgıp jetkızılıp jatqanyna narazylyqtaryn bıldırgen edı. Bıraq būl bızdıŋ qyzmetkerlerdıŋ tarapynan ketken olqylyq emes. Tübırtek daiyndap şyǧaratyn qūral-jabdyqtyŋ ısten şyǧyp qalǧanynyŋ saldarynan ekınşı ret osyndai jaǧdai oryn alyp otyr. Alaida būl – bız qaptaityn pışındegı tübırtektı daiyndaityn Qazaqstandaǧy jalǧyz qūral. Būl tūrǧyda osy aidyŋ 30-yna deiın sanaqty ösırmeu turaly «Astana su arnasy», «Astanaenergosbyt» siiaqty negızgı qyzmet jetkızuşı mekemelerge hat joldadyq. Atalmyş mekemelerdıŋ basşylyǧy da kelısımge kelıp, barlyq tölemnıŋ uaqyty 30 qaraşaǧa deiın sozylatyn boldy. Sondyqtan būl turaly tūrǧyndarǧa alaŋdauǧa eş negız joq, – deidı. – Ai saiyn 270 myŋ abonentke osynşama konvert joldanady. Är konverttıŋ ışınde ekı paraqtan bolady. Sonda esepteseŋız, aiyna 540 myŋ qaǧaz jūmsalady eken. Bıraq qaǧazbastylyqtan arylatyn künnıŋ qaşan tuatyny äzırge belgısız bop tūr. Öitkenı tūrǧyndardyŋ basym köpşılıgı aqparatty tek qaǧaz küiınde alǧysy keledı. Äitpese konverttıŋ ışındegı aqparattyŋ elektrondy nūsqasyn da jıbere alamyz. Oǧan mümkındıgımız de tolyq jetkılıktı.
AIYPPŪL TÖLEGENDE MŪQİIаT BOLU KEREK
Mekeme basşysynyŋ aituynşa, «Astana-BEO» JŞS bıryŋǧai tölem qūjaty basqarmasynyŋ call-ortalyǧy «Astana su arnasy» käsıpornynyŋ qūzyryna berılgen. Qazırgı uaqytta «Astana-BEO» JŞS-te tek ekı operator ǧana jūmys ısteidı eken. Olar tūrǧyndardyŋ qoŋyrauyna jauap berıp, ötınışterın qabyldap, kei kezderı bailanysty arnaiy mamandarmen jalǧaityn körınedı.
– Osy aidan bastap bız tübırtekke jol qozǧalysy erejelerın jäne qūqyq tärtıbın būzu boiynşa äkımşılık aiyppūldar tölemın engızdık. Bızdıŋ tūrǧyndar «äkımşılık aiyppūl» degen mätın paida bolǧan tübırtektı tölegen kezde mūqiiat bolu kerek, – deidı Elena Iýgrinova taǧy bır sözınde.
Onyŋ aituynşa, biylǧy jyly äkımşılık aiyppūldar boiynşa tölenetın tübırtekterdı 3400 adam alady. Aiyppūl turaly mälımetterdı Astana qalasynyŋ Işkı ıster departamentı beredı eken. «Astana-BEO» tübırtegındegı äkımşılık aiyppūldardy tölegende bank komissiiasynyŋ özgermeitının aitady «Astana-BEO» JŞS bıryŋǧai tölem qūjaty basqarmasynyŋ basşysy.
Nūrdäulet Käkışev
