«Nur Otan» partiiasynyŋ töraǧasy N.Ä.Nazarbaevtyŋ praimerizdıŋ bastaluyna bailanysty ündeuı
Qūrmettı otandastar!
Pandemiia saldarynan Qazaqstan bükıl älem elderımen bırge kütpegen qiyndyqtarǧa tap bolyp, jahandyq daǧdarystyŋ eŋ qiyn kezeŋın bastan ötkerude.
Äleumettık-ekonomikalyq ahualdyŋ kürt naşarlauy nätijesınde damyǧan memleketter de daǧdaryspen küresude.
Mūndai jaǧdaida kez kelgen ükımettıŋ aldynda tūrǧan eŋ özektı mäsele – ekonomikanyŋ damuy jäne el azamattarynyŋ densaulyǧy.
Bızge halyqtyŋ qauıpsızdıgı men amandyǧy üşın bar küş-jıgerımızdı salu maŋyzdy.
Sondyqtan Prezidentımız, Ükımetımız köp şaralardy qolǧa alyp jatqanyn bılesızder.
Osy oraida medisina qyzmetkerlerıne erekşe alǧysymdy bıldıremın.
Olar pandemiianyŋ alǧaşqy künderınen bastap koronavirusqa qarsy kürestıŋ aldyŋǧy şebınde jür.
Erıktılerge de alǧysym şeksız.
«Bız bırgemız!» aksiiasy aiasynda ǧana «Jas Otan» barlyq mūqtaj jandarǧa qoldau körsetken bes myŋ erıktınıŋ basyn bırıktırdı.
Ärine, kemşılıkter de boldy.
Koronavirus daǧdarysy memlekettık basqarudyŋ keibır salalarynda olqy tūstar bar ekenın de körsettı.
Jedel äreket etu jaǧy jetıspei jatty, mäselenıŋ şeşıluı biurokratiialyq kedergılerge kep tıreldı.
Memlekettık organdar men keibır basşylar halyqtyŋ naqty problemalaryn jete sezınbeidı degen syn aitylyp jürgenın men jaqsy bılemın.
Būl barlyq deŋgeidegı deputattardyŋ da jūmysyna qatysty.
Ony köbıne oryndy syn dep esepteimın.
Deputattar halyqtyŋ ortasynda bolyp, eldıŋ mūŋ-mūqtajyn jetkızuge tiıs.
Deputattardyŋ mındetı – ärdaiym el müddesın qorǧau. Osyny ūmytpauymyz kerek.
Üş jyl būryn konstitusiialyq reforma jürgızıldı. Partiialyq-saiasi jüiege tereŋ jetıldırudıŋ negızı qalandy. Parlamenttıŋ rölı jäne Ükımettıŋ halyqqa esep beruı küşeitıldı.
Sailanbaly organdardy sailaudyŋ proporsionaldyq jüiesıne köşırudı jüzege asyrdyq. Biyl saiasi partiialardy tırkeu şegı 2 esege deiın tömendetıldı. Partiialyq tızımde äielder men jastarǧa 30 paiyzdyq kvota zaŋdy türde engızıldı.
Tek qana partiialar bilıkke jaŋa adamdardy – öz ısınıŋ käsıbi şeberlerın, bedeldı köşbasşylardy, öz elınıŋ taǧdyryna jany aşityn, şeşım qabyldai bıletın jäne konstruktivtı ūsynystar aita alatyndardy ūsynuy qajet.
Özınıŋ tarihi tūrǧydan jauapkerşılıgın sezıne otyryp, «Nur Otan» «Senım. Dialog. Keleşek» baǧdarlamasyn qabyldady. Bileuşı partiianyŋ «qaita tüleuınıŋ» nätijesı elımızde auqymdy praimeriz ötkızu bolmaqşy. Būl – partiia ışındegı sailau. Būl – naqty äleumettık saty. Bäsekelestık ırıkteu, jaŋa ideialar men jobalardy ızdeu. Köptegen tanymal saiasattanuşylar men azamattyq belsendıler būl ideiany qoldady. Būl – «Nur Otan» jaqtauşylarynyŋ ligasyna bırıkken jäne reformalarǧa qatysuǧa daiyn, belsendı azamattyq ūstanymy bar adamdar. Aşyq jäne esepberuşılık partiiaışılık sailauǧa qajettı jaǧdailardy tolyq jasadyq.
Bastysy – qatysuşylar üşın aşyqtyq pen adaldyqty, teŋ jaǧdai men bäsekelestıktı qamtamasyz etuımız kerek.
Senımdılık pen özara syilastyq bolǧanda halyqty tolǧandyratyn mäseleler köterıletınıne senımdımın.
Aitylǧan, köterılgen problemalardy partiia nazardan tys qaldyrmauy kerek.
Barlyq şeşımderdı oblystyq, qalalyq, audandyq sailaualdy baǧdarlamalarǧa engızu üşın biudjettıŋ mümkındıgımen orailastyru qajet.
Memleket aldynda pandemiiadan keiın ekonomikalyq ösımdı qalpyna keltıru, jūmys oryndaryn qūru, şaǧyn jäne orta biznestı jandandyru mäselesı tūr.
Sonymen qatar pandemiiamen küres problemalaryn saraptap, onyŋ ekınşı tolqyny boluy jaǧdaiyna daiyn boluymyz kerek.
Osynyŋ bärı partiianyŋ sailaualdy baǧdarlamasyna engızıledı jäne nūrotandyqtardyŋ aldaǧy 5 jyldaǧy jūmysynda basşylyqqa alynady.
Barlyq partiialyqtardy jäne «Nur Otan»-nyŋ jaqtauşylaryn elımızdıŋ osy bır maŋyzdy saiasi oqiǧasyna qatysuda belsendılık tanytuǧa şaqyramyn.
Qūrmettı otandastar!
Bız Täuelsızdıktıŋ 30 jyldyǧy qarsaŋynda tūrmyz.
Ǧasyrǧa teŋ keletın jol jürıp öttık.
Bızdıŋ buyn auyrtpalyǧy mol daǧdarys kezeŋınde egemen memleket qūrdy.
Ūlttyq ekonomika qalyptasty.
Şekaramyz şegendeldı.
Qazaqstan älemge beibıtsüigış el retınde tanyldy.
Bız tūraqtylyq pen kelısımdı saqtai bıldık. Bırtūtas ūltqa ainaldyq.
Bıraq aldymyzda älı de köptegen qiyndyqtar bar ekenı anyq.
Men ärdaiym aityp kelemın jäne qazır de qaitalap aitamyn: «Täuelsızdıkke qol jetkızu bır bölek, ony közdıŋ qaraşyǧyndai qorǧap, nyǧaityp, keler ūrpaqqa tapsyruǧa tiıspız».
Sondyqtan jiǧan täjıribemızge süienıp, ötken künnen sabaq alyp, alǧa ūmtyluymyz kerek.
Ortaq maqsat – eldıŋ erteŋı, halyqtyŋ bolaşaǧy jolynda bırıge alatyndar ǧana tabysqa qol jetkızetının ūmytpaiyq.
