Astana äkımı Baqyt Sūltanov qaladaǧy «Nūrly jürek» äleumettık qyzmet körsetu ortalyǧyna bardy.
Bügınde būl mekemede mümkındıgı şekteulı 273 balaǧa äleumettık kömek körsetıledı. Ortalyqta olarǧa barlyq jaǧdai jasalǧan. Mūnda sensorlyq bölme, montessori ädısı men logoped, psiholog, fizio kabinetterı, muzykalyq zal, sport alaŋy jäne eŋbekke baulu şeberhanalary jūmys ısteidı. Ortalyq jūmysymen jan-jaqty tanysqan şahar basşysy: «Mümkındıgı şekteulı balalarda qoǧamda öz oryndaryn tabuy qajet. Osy baǧytta «Nūrly jürek» ortalyǧy jaqsy jūmys ıstep jatyr» dep ūjymǧa rizaşylyǧyn bıldırdı.
Osynda qyzmet ısteitın mamandar jetkınşekterge segız türlı äleumettık qyzmet ūsynady. Biyl qaŋtarda jastarǧa jūmysqa ornalastyru maqsatynda oqytu korpusy aşylǧan.
«Būryn bız balalardy 3 jastan 18 jasqa deiın qabyldaityn edık. Biyldan bastap 29 jasqa deiıngı mümkındıgı şekteulı jastarǧa da qyzmet körsetemız. Sondai-aq bız olarǧa özıne-özı qyzmet etu, adamdarmen dūrys qarym- qatynas jasaudy da üiretemız» dedı ortalyq direktory Serık Böpejanov.
Sonymen qatar «İnvataksi» auqymdy äleumettık jobasynyŋ aiasynda «Halyq» qaiyrymdylyq qory men Qazaqstan halyq bankısı ortalyqqa mümkındıgı şekteulı azamattardy tasymaldaityn kölık syilady.
