NŪRSŪLTAN NAZARBAEV: ÄLEMNIŊ ÄRBIR DINI BIZDI YNTYMAQQA ŞAQYRADY
Elbasy Nūrsūltan Nazarbaev Astanadaǧy Äzıret Sūltan meşıtınde bolyp, barşa qazaqstandyqtardy Qūrban ait merekesımen qūttyqtady.
Prezident qūttyqtau sözınde: «Jasampazdyqtyŋ, ızgılık pen meiırbandyqtyŋ nyşany bolǧan osynau jarqyn mereke adamdardy qaiyrymdylyq pen janaşyrlyqqa ündeidı. Ol qazaqstandyqtardyŋ jüregıne jaqyndaryna degen süiıspenşılık ūialatady, adamgerşılık qūndylyqtardy nyǧaita otyryp, kömekke mūqtaj jandarǧa qamqorlyq jasauǧa jeteleidı jäne ruhani dästürlerge baulidy.
Qazaqstan tabysty damyǧan 25 jylda Qūrban ait şyn mänınde el bırlıgı men qoǧamdaǧy konfessiiaaralyq kelısımdı nyǧaita tüsuge bıregei yqpal etken aituly meiramǧa ainaldy.
Osynau qasiettı mereke künderı ärbır otbasyna beibıtşılık pen kelısım, amandyq jäne qūt-bereke tıleimın! Şaŋyraqtaryŋyz şattyq pen baqytqa tolsyn!» dedı.
Elbasynyŋ aituynşa, 10 jyldan berı Qūrban ait pen Rojdestvo demalys künderı bolyp sanalady. Būl – islam dınıne de, hristian dınıne de memleket qamqorlyǧynyŋ körınısı.
Meşıtte jamaǧatpen äŋgımelesken Nūrsūltan Äbışūly täuelsızdık jyldarynda qol jetken tabystyŋ bärı elımızdegı bırlık pen tynyştyqtyŋ arqasy ekenın atap öttı.
– Älemdegı ärbır dın bızdı yntymaqqa, ızgılıkke, bır-bırımızdı qūrmetteuge şaqyrady. Qūranda özıŋ toq bolyp, körşıŋ aş otyrsa, sen mūsylman bolyp sanalmaisyŋ delıngen. Onda mūsylmandardyŋ aǧymǧa, jıkke bölınbeitını de aitylǧan. Naǧyz mūsylman – el-jūrtqa, qoǧamǧa, Otanyna kömektesetın, barlyq dındı bırdei köretın adam, – dedı Memleket basşysy.