Nūrsūltan NAZARBAEV: HALYQ SIZDERGE ZOR SENIM BILDIRDI
Altynşy şaqyrylymdaǧy Parlamenttıŋ bırınşı sessiiasyna qatysqan Memleket basşysy Nūrsūltan Nazarbaev jaŋadan sailanǧan deputattardy parlamentşı märtebesın aluymen qūttyqtady.
Memleket basşysy deputattardy Mäjılıs jūmysynyŋ bastaluymen qūttyqtap, ötken sailaudyŋ elımız üşın tarihi mänı bar ekenın aitty.
– Sailaudyŋ nätijesı qazaqstandyqtardyŋ qazırgı jäne bolaşaq bırtūtas ūlt retındegı tūtastyq deŋgeiı joǧary ekenın naqty körsetıp berdı. Sailau qazaqstandyq bırlıktı nyǧaitqan tarihi aktıge ainaldy. Dauys beru Ūlt josparyn bükılhalyqtyq qoldaudyŋ körınısı boldy. Men Täuelsızdıktıŋ 25 jyldyq mereitoiy jylynda ötken sailaudyŋ tarihi nätijesımen qazaqstandyqtardy taǧy da qūttyqtaimyn. Sondai-aq, Mäjılıstıŋ jaŋa qūramyndaǧy barlyq deputattardy parlamentşı märtebesın aluymen qūttyqtaimyn, – dedı Qazaqstan Prezidentı.
Nūrsūltan Nazarbaev qazaqstandyqtar üşın qoǧam tırşılıgınıŋ bırqatar maŋyzdy salalarynda jaŋa mümkındıkterge jol aşqan Ūlt josparyn jüzege asyrudyŋ aralyq nätijelerıne de egjei-tegjeilı toqtaldy.
Qazaqstan Prezidentı altynşy şaqyrylymdaǧy Parlamenttıŋ zaŋ şyǧaru jūmysyna qatysty bırqatar maŋyzdy mındetterdı atady.
– Bırınşıden, barlyq qarjy üderısterınıŋ jariialylyǧyn qamtamasyz etetın bıryŋǧai salyq jäne keden kodeksın qabyldau kerek. Ekınşıden, «Jer qoinauy jäne jer qoinauyn paidalanu turaly» kodekstı qabyldau arqyly osy saladaǧy qatynastardy retteitın barlyq normalar bır zaŋda şoǧyrlandyrylady. Üşınşıden, qoldanystaǧy elektr energetikasy mäselelerı jönındegı zaŋnamaǧa özgerıster engızu qajet. Būl energiia taratuşy ūiymdardy ırılendıru üderısı üşın kerek. Törtınşıden, monopoliiaǧa qarsy salany reformalaudyŋ ekınşı kezeŋı aiasynda bäsekelestık mäselelerı jönındegı zaŋnamalyq aktılerge özgerıster men tolyqtyrular engızgen jön. Besınşıden, memlekettık qyzmetterdı bäsekelı ortaǧa beru salasyndaǧy zaŋnamany jaŋǧyrtu kerek, – dedı Nūrsūltan Nazarbaev.
Sonymen qatar Memleket basşysy Mäjılıs deputattary zaŋ şyǧaru üderısınde Parlament Senatymen aradaǧy syndarly özara ıs-qimyl dästürın jalǧastyratynyna senım bıldırdı.
– Mäjılıstıŋ jalpy ökılettık merzımıne arnalǧan zaŋnamalyq jūmystardyŋ perspektivalyq josparyn äzırleu maŋyzdy mındet bolyp sanalady. Jaŋa ahual jaǧdaiynda Parlamenttıŋ jäne onyŋ palatalarynyŋ qoǧamdyq saiasi rölı men jauapkerşılıgı artyp otyrǧanyn airyqşa aitqym keledı. Parlamentşılerdıŋ partiiaaralyq özara ıs-qimylyn küşeitıp, barlyq fraksiialar men deputattyq toptardyŋ üilesımdı jūmysyna qol jetkızu kerek. Qazaqstan deputattarynyŋ halyqaralyq parlamentaralyq qoǧamdastyqqa belsene qatysuy da maŋyzdy mındet. Jaŋa deputattar jūmysqa jedel qosylatynyna, al būrynǧy qūram deputattary sabaqtastyqty qamtamasyz etıp, «jaŋa arnaǧa» jedel köşetınıne senımdımın, – dedı Qazaqstan Prezidentı.
Is-şara barysynda Parlamenttıŋ jaŋadan sailanǧan deputattary ant berdı.