Elordadaǧy Jeltoqsan köşesı, №13 üide ornalasqan qazırgı №1 matematika-ekonomika liseiınıŋ tarihy tereŋde jatyr. Şahar şejıresın ızdei otyryp, bız onyŋ baiyrǧy qalyptasu jolyna üŋılıp kördık.
Oqu oryndarynyŋ alystyǧyna bailanysty sol kezde Aqmola tūrǧyndarynyŋ basym köpşılıgınıŋ balalaryna qandai da bır bılım beru mümkındıgı şekteulı bolady. Sondyqtan 1874 jyly Aqmola qalalyq dumasy er balalardyŋ dıni uchilişesın aşu turaly şeşım şyǧardy. Uchilişe saluǧa jäne ony ūstap tūruǧa qajettı şyǧyndardyŋ smetasy jasaldy. Jergılıktı köpesterden 5 rublden jarna jinalyp, qalalyq qoǧamdyq qazynadan 450 rubl bölındı. Söitıp, bır rettık 200 rubl jinalady. Basqa şyǧyndardy biudjettık qarjy bölu esebınen jabu közdeledı. Sonymen bırge ärbır oquşydan oquǧa qūqyq beretın 1 rublden alu belgılenedı. Otbasy jaǧdaiy qiyn balalardy tegın oqytu, iaǧni 15 adamdy tegın oqytu boljanady.
Duma şeşımın Aqmola äskeri gubernatory qoldap, tiıstı qoldauhatpen Batys Sıbır uchilişelerınıŋ inspektoryna şyǧady. 1874 jyly 3 qyrküiekte Halyq oqu-aǧartu ministrlıgı Tobyl guberniiasy uchilişeler direksiiasynyŋ qaramaǧynan Aqmolada prihod uchilişesın aşuǧa rūqsat beredı.
Keiın ol 1920 jyly ekınşı satyly mektep retınde aşylady. 1934 jylǧy 15 mamyrdaǧy KSRO Halyq komissarlar keŋesınıŋ qaulysymen jetı jyldyq mektep ülgılı on jyldyq orta mektep bolyp qaita qūryldy.
1934 jylǧy 28 jeltoqsanda BKP (b) Aqmola audandyq komitetınıŋ biurosy jäne JAK (RİK) prezidiumynyŋ bırıkken otyrysynda «S.M.Kirovty este qaldyru turaly» qaulysy qabyldandy. Ülgılı on jyldyqorta mektep S.M.Kirovtyŋ esımımen ataldy.
1942 jylǧy 22 qyrküiekte mektepke №1 nömırı bekıtıldı. Al 1944 jyldyŋ 18 tamyzynan bastap er balalar men qyz balalardy bölıp oqytu ūiymdastyryluyna bailanysty Kirov mektebı qyzdar mektebı boldy. 1957 jyly mektep qaita aralas mektepke ainaldy.
Qazaqstan Respublikasynyŋ eŋbegı sıŋgen oqytuşysy L.P.Merejkovskiidıŋ bastamasymen 1967 jyly №1 mektep bazasynda qalada tūŋǧyş ret matematikany tereŋdetıp oqytatyn synyptar aşylady, 1968 jyly jazdyq matematika mektebı jūmys ıstei bastaidy.
Aqmola äkımşılıgınıŋ 1992 jylǧy 28 şıldedegı şeşımımen №1 S.M.Kirov atyndaǧy orta mektep №1 matematika-ekonomika liseiı bolyp qaita qūryldy.
Ǧaziza İSAHAN
