Astana qalasy ortalyqtandyrylǧan kıtaphanalar jüiesınıŋ Ortalyq balalar jäne jasöspırımder kıtaphanasynda ūlaǧatty ūstaz Ospan Süleimenūlynyŋ 75 jas mereitoiyna arnalǧan «Ǧajaiyp Qazaqstan – 2050» jurnalynyŋ tūsaukeserı öttı.
Atalǧan basylymda mereitoi iesınıŋ ömır men öner joly jan-jaqty jazylǧan. Aqmola öŋırınıŋ tumasy Ospan Süleimenūly 1959 jyly 11 jasynda oblystyq körkemönerpazdar baiqauyna qatysyp, bırınşı oryndy jeŋıp aldy. Sol uaqytta bala küişı atanady. Odan keiın de bırneşe märte respublikalyq, bükılodaqtyq, halyqaralyq baiqaulardyŋ jeŋımpazy, jüldegerı boldy. Jalpy älemnıŋ 50 memleketınıŋ sahnasynda öner körsettı.
Ūstazdyq jolyn osydan 57 jyl būryn özınıŋ tuǧan auylyndaǧy Qosqopa segız jyldyq mektebınen bastaǧan Ospan Süleimenūly jetpısınşı jyldary Qorǧaljyn audandyq mädeniet bölımınıŋ basşysy bolǧanda jergılıktı önerpazdar bırneşe elde öner körsettı. Jalpy qyryq jyldai Qorǧaljyn, Selinograd audandary men Aqmola qalasy mädenietınıŋ örleuıne üles qosty.
1990-1991 jyldary Selinograd qalasynda tūŋǧyş qazaq ūlttyq balalar muzyka mektebınıŋ aşyluyna mūryndyq bolyp, sonyŋ alǧaşqy direktory boldy. 1996 jyldan Aqmola oblystyq Bılım basqarmasy, oblystyq bılım jetıldıru institutynda, qalalyq bılım basqarmasynda maman-ädısker. «Muzyka – şeksız älem» qauymdastyǧyn qūrdy.
Astana turaly jazylǧan alǧaşqy än avtorlarynyŋ bırı de – Ospan Süleimenūly. «Aqmolam – Astanam» atalatyn būl tuyndy 1997 jyly jazyldy.
Mereitoi iesıne arnalǧan tūsaukeserde zamandastary, dostary, tılektesterı, şäkırtterı estelıkterı men tılekterın aitty. Än-küiden şaşu şaşty. Ospan Süleimenūly «Ǧajaiyp Qazaqstan-2050» jurnalynyŋ basşylyǧyna jäne ūiymdastyruşylarǧa alǧysyn bıldırdı.
