Astanada öŋırlerdıŋ kezektı auyl şaruaşylyǧy järmeŋkesı öttı. Būl joly elordalyfqtarǧa Şyǧys Qazaqstan jäne Soltüstık Qazaqstan oblystarynyŋ şarualary öz tauarlaryn ūsyndy.
Bas qala öŋırlık auyl şaruaşylyǧy järmeŋkesın ötkızu jaqsy dästürge ainaldy. Mūndai igı ıs-şaranyŋ basty maqsaty astanalyqtarǧa azyq-tülıktı qoljetımdı baǧamen satyp aluǧa mümkındık beru bolatyn. Taŋsärıden bız de Qazaq ūlttyq öner universitetınıŋ aldyndaǧy alaŋdy betke aldyq. Sörelerde tauardyŋ san türı samsap tūr. Kündelıktı tūtynatyn azyq-tülıktıŋ bärı osynda.
Sauda belsendı jürıp jatty. Astanalyqtar osy ekı oblystyŋ tauarlary ärqaşan sapasy men qoljetımdı baǧasymen erekşelenetının, ol naryqtaǧy baǧadan 15-20 paiyzǧa tömen ekenın atap öttı. Tauar öndıruşıler bolsa, mūnda öz tauaryn deldalsyz satuǧa mümkındık aldy. Qala tūrǧyndary taŋerteŋnen järmeŋkege kelıp, arzan baǧamen azyq-tülık alyp jatyr.
Elordadaǧy auyl şaruaşylyǧy järmeŋkesıne Şyǧys Qazaqstan oblysynyŋ jergılıktı fermerlerı men tauar öndıruşılerı de öz önımderın äkeldı. Būl öŋırdıŋ önımderı arasynda astanalyqtar tabiǧi baldy jaqsy köredı. Maqpal Seiıtqaliqyzy jyl saiyn bolatyn osyndai auyl şaruaşylyǧy järmeŋkesın ötkızıp almauǧa tyrysady. Būl joly ol et, kökönıster men jemısterdı, ırımşık, bal, balyq, jūmyrtqa jäne nan-toqaş önımderın naryqtaǧy baǧadan tömen baǧada satyp alu üşın kelgenın jasyrmady.
– Jyl saiyn küz mezgılınde Astanada ötetın öŋırlık järmeŋkenı asyǧa kütemın. Būl jerde özımızdıŋ kündelıktı tūtynatyn tauarlarymyz bazardaǧy baǧadan äldeqaida arzan. Sondyqtan, kerektınıŋ bärın osy jerden satyp alamyn. Ötken aptada Pavlodar men Abai oblysynyŋ önımderın aldyq, osy joly Öskemennıŋ balyn satyp alu üşın keldım. Sondai-aq järmeŋkede jūmyrtqa, süt önımderı men jaŋǧaq köp boldy. Olardyŋ sapasy jaqsy, ekologiialyq taza önım, baǧasy da arzan. Osylardyŋ ärqaisynan azdap kötere alǧanymşa satyp aldym. Būlar bır aptaǧa jetedı. Kelesı apta taǧy kelemın. Jalpy, osyndai järmeŋkeler jyl boiy jalǧasyn tapsa jaqsy bolar edı, – dedı Maqpal Seiıtqaliqyzy.
Şyǧys Qazaqstan jäne Soltüstık Qazaqstan oblystarynyŋ şarualary elorda tūrǧyndary üşın türlı önımderın jetkızdı. Onyŋ ışınde: 49,2 tonna bal, 2 tonna şūjyq önımderı, 8 tonna süt önımderı, 16 tonna ösımdık maiy, 3 tonna ūn men jarma, 9 tonna balyq, 29,8 tonna mal, qūs etı, 4 tonna qymyz jäne ūlttyq önım türlerı, 700 litr alkogolsız susyndar da bar.
Ūiymdastyruşylardyŋ aituynşa, Soltüstık Qazaqstan oblysynyŋ 110 üzdık käsıporny elordalyqtarǧa şamamen 733 tonna önım jetkızgen. Būl – 33 tonna süt önımderı, 107 tonnadan astam et jäne şūjyq önımderı jäne 10 tonna makaron önımderı, 7 ese köp ūn jäne 500 tonnadan astam basqa da azyq-tülık önımderı. Soltüstıkqazaqstandyqtar järmeŋkege kartop pen kökönısterdıŋ tür-türın, tauyq jūmyrtqasyn, bal men ara şaruaşylyǧy önımderın, balyq, sondai-aq jarma äkeldı. Osy öŋırge äigılı «Severnyi broiler» qūs fabrikasy JŞS-nıŋ önımderı elordalyqtarǧa da erekşe ūnady. Ony ūzyn-sonar kezekke tūryp, qūs önımderın satyp alyp jatqan jūrtşylyqqa qarap aŋǧardyq.
– Osy jyldyŋ basynan berı bız 908 tonna qūs etın öndırdık. Öŋırlık järmeŋkege 6,5 tonna et pen 17 önım türı äkelındı. Būl tauarlardy astanalyqtar jaqsy satyp alyp jatyr, keluşıler qatary öte köp. Būl ıs-şaraǧa jylda qatysamyz, aldaǧy jyldary da dästürdı jalǧastyramyz, – dedı «Severnyi broiler» qūs fabrikasy JŞS direktory Talǧat Mataev.
Astanada öŋırlık järmeŋkeler jyl saiyn ötkızılıp keledı. Mūndai järmeŋkeler öŋırlerdegı auyl şaruaşylyǧy öndıruşılerıne öz önımderın deldalsyz tıkelei satuǧa mümkındık beredı. Järmeŋkege arnalǧan assortimenttı auyl şaruaşylyǧy tauaryn öndıruşıler öz qalauymen taŋdaidy. Jyl saiyn järmeŋkege qatysuǧa niet bıldırgen şarualar sany artyp keledı.
Kökönıs, jemıs-jidektıŋ pısetın uaqytynda äleumettık maŋyzy bar azyq-tülık önımderınıŋ baǧasyn tūraqtandyru maqsatynda ūiymdastyrylǧan biylǧy järmeŋke qyrküiektıŋ 2-sı künı bastalǧan-dy. Alǧaşqy bolyp öz önımderın alyp kelgen Türkıstan oblysynyŋ 70-ke juyq auyl şaruaşylyǧy öndıruşılerı 556 tonna önım äkelse, kelesı senbı-jeksenbıde Atyrau men Jambyl oblystarynyŋ agrarşylary elordalyqtarǧa 300 tonnaǧa juyq önımderın ūsyndy. Odan soŋ Batys Qazaqstan oblysy men Qyzylorda oblysynyŋ tauar öndıruşılerı kelıp, elordalyqtarǧa azyq-tülıktıŋ keŋeitılgen assortimentın ūsyndy. Almaty oblysynyŋ tauar öndıruşılerı Qonaev qalasy men oblystyŋ 9 audanynyŋ atynan qatysyp, jalpy somasy 205,7 mln teŋgege 186,4 tonna auyl şaruaşylyǧy önımın äkelse, Jetısu oblysynyŋ Taldyqorǧan jäne Tekelı qalalarynan, sondai-aq 8 audannan kelgen şarualar 500 mln teŋgege 214 tonnadan astam tauar äkeldı. Olardyŋ aituynşa, önımder ekologiialyq taza ǧana emes, sonymen qatar dämı de erekşe. Ötken aptada Pavlodar men Abai oblystarynyŋ şarualary jalpy kölemı 700 tonnaǧa juyq 40 türlı önım äkelse, aldaǧy senbı-jeksenbı künderı elordalyqtarǧa Qaraǧandy jäne Ūlytau öŋırlerı öz önımderın ūsynady.
Auyl şaruaşylyǧy önımderınıŋ öŋırlık järmeŋkesı är demalys künderı saǧat 9.00-den 18.00-ge deiın Täuelsızdık daŋǧyly, 50 mekenjaiyndaǧy Qazaq ūlttyq öner universitetınıŋ ǧimaraty aldyndaǧy alaŋda ötedı. Biylǧy järmeŋke 29 qazanǧa deiın jalǧasady.
