Astana qalasynyŋ Jastar saiasaty mäselelerı basqarmasy Elbasynyŋ «Bolaşaqqa baǧdar: ruhani jaŋǧyru» maqalasy aiasynda «Memlekettık rämızder maqtanyşym!» jäne «Mäŋgılık el – mūratym!» taqyrybynda ūiymdastyrǧan jas aqyndar müşäirasynyŋ jeŋımpazdary anyqtaldy.
Müşäiraǧa elımızdıŋ är aimaǧynan ekı jüzge tarta jas aqyn qatysyp, baq synady. Olardan otansüigıştık ruhta jazylǧan öleŋder köp tüstı. Qazylar alqasyna bırınen-bırı ötetın jüirıkterdı anyqtau oŋaiǧa tigen joq. «Jüzden jüirık, myŋnan tūlparlar» ǧana daralandy.
Bırınşı oryndy Şyǧys
Qazaqstan oblysynan kelgen jas aqyn Rauan Qabidoldin jeŋıp aldy. Oǧan 300 myŋ teŋge berıldı. Ekınşı oryndy qaraǧandylyq Amankeldı Aqjıgıt pen jambyldyq Nauryzbek Sarşaev ielendı. Olarǧa 200 myŋ teŋgeden tabys etıldı. Üşınşı oryn alǧan üş aqynǧa 100 myŋ teŋgeden būiyrdy. Olar: elordalyq Äbıl Miras, atyraulyq
Didar Ūzaǧaliev jäne Batys Qazaqstan oblysynyŋ örenı Talap Şerhan. «Üzdık aqyn» atalymy boiynşa Älıbek Amandyqov, Jämilia Bahtiiarqyzy, Ainūr Polotova, Ūljalǧas
Mamadiiarova top jardy. Endı müşäiraǧa qatysyp, otty öleŋderımen körıngen otyz aqynnyŋ jyry jinaq bolyp jaryq köredı.
Jastar saiasaty mäselelerı basqarmasynyŋ basşysy Ashat Oralov öz sözınde jas aqyndar müşäirasy alǧaş ötkızılıp jatqandyǧyn eskerıp, endı ony tamaşa dästürge ainaldyrudy közdep otyrǧandyǧyn jetkızdı. Aldaǧy jylǧy jyr baiqauy elordanyŋ jiyrma jyldyq mereitoiyna arnalmaq.
Azamat ESENJOL
