Qazaqstan Respublikasy täuelsız el retınde alǧaş ret 1994 jylǧy qysqy Olimpiada oiyndaryna qatysty. Qazaqstan sportşylary odan keiın 7 qysqy jäne 7 jazǧy oiyndarda egemen elımızdıŋ namysyn qorǧady. Al «Olimpiada chempiony» degen qūrmettı ataqqa qol jetkızgen saiypqyran qai elde de elınıŋ, ūltynyŋ maqtanyşy bolady.
Olimpiada oiyndarynyŋ alǧaşqy altyn jüldesın ataqty şaŋǧyşy Vladimir Smirnov äkeldı. Ol Finliandiianyŋ Lillehammer qalasynda ötken bairaqty bäsekede 50 şaqyrymdyq marafon jarysynda jeŋımpaz atandy. Būl äzırge qysqy oiyndardan tüsken jalǧyz altyn medal bolyp tūr.
Al jazǧy oiyndarda Qazaqstan sportşylarynyŋ jarqyn jeŋısterı az bolǧan joq. Atap aitsaq, 1996 jyly AQŞ-tyŋ Atlanta qalasynda ötken jazǧy Olimpiada oiyndarynda boksşy Vasilii Jirov, Iýrii Melnichenko grek-rim küresınen jäne bessaiysşy Aleksandr Parygin jeŋıs tūǧyrynyŋ eŋ biık satysyna köterıldı. Jirov Olimpiada chempiony ataǧymen qosa eŋ üzdık boksşyǧa berıletın Barker kubogyn ielendı.
2000 jyly Avstraliianyŋ Sidnei qalasynda ötken oiyndarda da Qazaqstan änūrany 3 ret şyrqaldy. Boksşylar Bekzat Sattarhanov pen Ermahan İbraiymov altyn jüldege qol sozsa, jeŋıl atlet Olga Şişigina 100 metrge kedergılermen jügıru jarysynda aldyna jan salmady.
2004 jyly Grekiianyŋ Afiny qalasynda tuy jelbıregen Olimpiada oiyndarynda Qazaqstan ūlttyq qūramasynyŋ qorjynyna bır-aq altyn tüstı. El abyroiyn saqtap qalǧan jalǧyz altyn medaldy boksşy Baqtiiar Artaev jeŋıp aldy. 69 kelı salmaqta synǧa tüsken qazaq boksşysy eŋ üzdık boksşyǧa berıletın Barker kubogyn da qanjyǧasyna bailady.
2008 jylǧy Olimpiada oiyndary Qytai astanasy – Beijıŋde öttı. Būl joly Qazaqstan sportşylary 2 altyn jüldege qol jetkızdı. Boksşy Baqyt Särsekbaev taǧy da 69 kelı salmaqta chempion atandy. Alla Vajenina auyr atletikadan altyn aldy. Auyr atlet İlia İlin de jeŋımpaz atanǧan edı, ökınışke qarai, arada bırneşe jyl ötkennen keiın qazaqstandyq sportşynyŋ doping paidalanǧany anyqtalyp, chempiondyq ataǧynyŋ küşı joiyldy.
2012 jylǧy Ūlybritaniia astanasy – Londonda ötken Olimpiada oiyndarda Qazaqstan ūlttyq komandasy rekordtyq körsetkış ornatty. Jetı sportşymyz Olimpiada chempiony degen ataqqa ie boldy. Alǧaşqy altyndy veloşabandoz Aleksandr Vinokurov äkelse, boksşy Serık Säpiev taǧy da 69 kelı salmaqta top jaryp, onymen qosa, eŋ üzdık boksşyǧa berıletın Barker kubogyn ielendı. Jeŋıl atlet Olga Rypakova üş qarǧyp sekıruden chempion atandy. Sondai-aq auyr atletter İlia İlin ekınşı ret, Zulfiia Chinşanlo, Maia Maneza jäne Svetlana Podobedova chempion atanǧan edı, alaida bırneşe jyldan keiın taǧy da doping dauyna bailanysty būl atletterdıŋ körsetkışı joqqa şyǧaryldy.
2016 jylǧy jazǧy Olimpiada oiyndarynda Qazaqstan ūlttyq komandasynyŋ qorjynyna 3 altyn medal tüstı. Boksşy Daniiar Eleusınov taǧy da 69 kelı salmaqta chempiondyq tūǧyrǧa köterılse, brass ädısımen jüzuşı Dmitrii Balandin altyn medal enşıledı. Auyr atlet Nidjat Ragimov ta altyn tūǧyrdan körınıp edı, ökınışke qarai, onyŋ nätijesı bes jyldan keiın dopingke bailanysty joqqa şyǧaryldy.
2022 jyly Tokioda ötetın Olimpiada oiyndary pandemiia jaǧdaiyna bailanysty bır jyl keşıgıp öttı. Ökınışke qarai, būl oiyndardan Qazaqstan sportşylary altyn jüldesız qaitty. Chempiondar qatarynan körıne almady. Tek 8 qola medal ielendık.
Jalpy Qazaqstan sportşylary täuelsız memleket retınde qatysqan 15 qysqy jäne jazǧy Olimpiada oiyndarynan 15 altyn medal, 21 kümıs medal, 36 qola medal jeŋıp aldy.
Aldymyzdaǧy 2024 jyly kezektı jazǧy Olimpiada oiyndary ötedı. Parij törındegı bairaqty bäsekede Qazaqstan sporşylary Tokioda ketken esenı qaitarady, qazaqtyŋ kök tuyn eŋ biıkten jelbıretıp, änūranymyzdy älem aspanynda äueletedı dep senımmen qaraimyz. Öitkenı Olimpiada oiyndary – 4 jylda 1 ret ötetın eŋ märtebelı sport saiysy. Olai bolsa egemen eldıgımızdı, ūlttyq namysymyzdy abyroimen qorǧaityn saiypqyrandarymyzǧa sättılık serık bolǧai demekpız!
