Elımızde salauatty ömır saltyn qalyptastyratyn qyzmettıŋ qūrylǧanyna 20 jyl toluyna orai «Densaulyq festivalı-2017» öttı. Atalǧan şarany Astana qalasynyŋ äkımdıgı, densaulyq saqtau basqarmasy jäne salauatty ömır saltyn qalyptastyru ortalyǧy ūiymdastyrdy.
Astana qalasy densaulyq saqtau basqarmasynyŋ basşysy Kamaljan Nadyrovtyŋ aituynşa, festival 2016-2019 jyldarǧa arnalǧan «Densaulyq» medisina salasyn damytu memlekettık baǧdarlamasynyŋ josparyn jüzege asyru aiasynda öttı.
– Jalpy Astanany sport qalasyna jatqyzuǧa bolady. Sızder bılesızder, Astanada köptegen būqaralyq sporttyq şaralar ötıp tūrady. Sondyqtan bızdıŋ tūrǧyndarymyz mūndai şaralarǧa üirengen jäne osyndai bastamalarǧa sözsız, jaqsy qabyldap, qatysady dep oilaimyn. Jyl saiyn sportpen şūǧyldanatyn adamdar sany köbeietınıne senımdımın. Būl öte dūrys! Öitkenı, fizikalyq belsendılık deŋgeiı ūlttyŋ damuymen, mädeniet deŋgeiımen tıkelei bailanysty, – dedı ol.
«Densaulyq festivalı-2017» şarasy barysynda olimpiada chempiondary Serık Säpiev jäne Baqtiiar Artaevpen bırge jattyǧu jasaldy. Sondai-aq festival aiasynda «Jüru marafony», «Bız salauatty ömır salty üşın» aksiiasy «Sau ruh» ūranymen jarys, «Menıŋ denımnıŋ saulyǧy – elımnıŋ saulyǧy» fleşmoby ūiymdastyryldy. Jarystarda erekşe közge tüsken sportşylar Astana qalasy äkımdıgınıŋ Alǧys hattarymen, baǧaly syilyqtarymen marapattaldy.
