Ekınşı düniejüzılık soǧys jyldarynda dünie esıgın aşqan säbilerdıŋ özı biyl jetpısten asyp otyr. Sondai azamattyŋ bırı köpşılıkke qadırlı, barlyq sanaly ǧūmyryn ūstazdyqqa arnaǧan Satybai Qajymūratūly Äbdırahmanov.
Bügıngı taŋda jetpıstıŋ bel ortasyna köterılgen Satybai Qajymūratūly soǧysty onşa bıle qoimasa da, ata-anasyna tüsken qiynşylyqty sezınıp ösken edı. Aqmola oblysyndaǧy kışkentai ǧana Mereke atty auylda kındık qany tamǧan Satybai osyndaǧy qazaqşa tört synypty bıtırgennen keiın ärı qarai qaida baratynyn bılmeidı. Sol kezeŋde soǧysta bolyp kelgen äkesınıŋ ınısı Şaimūrat eptep oqyǧany, saiasi sauattylyǧy bar kısı eken. Balanyŋ keleşegı orys tılınde ekenın aŋǧaryp, Erofeevka jetıjyldyq mektebınıŋ ekınşı orys synybyna oquǧa beredı. Bır auyz orys tılın bılmeitın bala jarty jylda osy tıldı jaqsy meŋgerıp ketedı. Sodan onjyldyqty Juravlevka orta mektebınde tämamdaidy. Mekteptı oidaǧydai bıtırgen jetkınşek, endı ne ısteimın degen oiǧa qalady. Joǧary oqu ornyna baraiyn dese, kärı ata-anasyna qamqorşy kerek. Osyndai oida jürgende audandyq oqu bölımınıŋ basşysy bır mektepke matematika pänınıŋ mūǧalımı bolyp barudy ūsynady. Osy ūsynysty qabyl alǧan jas jıgıt Uriupin mektebıne ornalasady. Bır jyldan keiın matematika pänıne zerek jıgıt Qazaq memlekettık universitetınıŋ mehanika-matematika fakultetınıŋ studentı bolyp şyǧa keledı. Student bolyp jürıp, qart ata-anasynyŋ tırı kezınde kelın tüsırıp, nemere süigızeiın degen nietpen Jarqaiyŋ audanynyŋ student qyzy Manatpen tanysyp, otbasyn qūrady. Būl 1966 jyl bolatyn. Mıne, sodan berıde jarty ǧasyr uaqyt öttı. Taiau uaqytta olar altyn toilaryn atap ötpekşı. Bügınde üş balanyŋ äkesı, alty nemeresınıŋ atasy bolyp otyrǧan Satybai Qajymūratūly «Öz ömırım – öz baqytym» deidı ötken jolyna rizaşylyq sezımın bıldırıp.
Universitettı qyzyl diplommen bıtırgen Satybai Äbdırahmanov Selinograd injenerlık-qūrylys institutyna ūstaz etıp jıberedı. Az uaqyttyŋ ışınde aǧa oqytuşy därejesıne köterıledı. Qazaq politehnikalyq institutynyŋ aspiranturasyn bıtıredı. Alaida, ärtürlı kedergılerge bailanysty ǧylymi ataq ala almaidy. Degenmen, ärıptesterı men şäkırtterınıŋ köpşılıgı būl kısını «halyq professory» dep ataidy. Öitkenı, Säkeŋ matematika pänınıŋ jılıgın şaǧyp, maiyn ışken ūstazdardyŋ qataryna jatady.
Bügınde jetpıstıŋ bel ortasynan asyp bara jatqan Satybai Qajymūratūly elu jyl otasqan zaiyby Manat Jünısqyzy ekeuı balalarynyŋ amandyǧyn tılep, nemerelerınıŋ keleşegın oilap jürgen abzal jandar. Olar baqytty otbasynyŋ ūiytqysy bolyp otyr. Osy ǧūmyrlary älı ūzaq jyldarǧa jalǧasa bersın demekpın.
Erkın DÄUEŞŪLY,
Qazaqstan Jurnalister
odaǧynyŋ müşesı
