Bas qalada Ortalyq Aziia kölemınde alǧaş ret «Jahandyq innovasiialyq sammit – 2019» atty halyqaralyq forum öttı. Būl maŋyzdy şaraǧa 16 elden 50-den asa spiker keldı. Jiynda halyqtardyŋ bäsekege qabılettılıgı jäne memleketterdıŋ ūzaq merzımdı tūraqty ösuın qamtamasyz etu mäselesı söz boldy.
Jer jüzınıŋ dualy auyzdy bılıktı mamandary jinalǧan samitte elorda äkımı Altai Kölgınov qazaq elınıŋ astanasynda osyndai älemdık maŋyzy zor şaranyŋ ötuı – ülken märtebe ekendıgın jetkızdı.
– Būl – bız üşın abyroi ǧana emes, halqymyzdyŋ qonaqjailyq qasietı men elordanyŋ ıskerlık äleuetın körsetetın jaŋa mümkındık. Bızdıŋ şaharymyz soŋǧy on jylda adam tanymastai özgerdı. Sondyqtan bügıngı jiyndaǧy «Bäsekege qabılettılıktıŋ özgeruı, Ūlt, Energetika, İndustriia, Talant» sekıldı taqyryptardy taldauǧa laiyqty qala dep oilaimyn. Elordanyŋ qalyptasu tarihy da tereŋde jatyr. Qazaqstannyŋ Tūŋǧyş Prezidentı Nūrsūltan Nazarbaevtyŋ tıkelei şeşımımen bas qala alǧaşqy özgerıstı sättı ötkızıp, oblys ortalyǧy bolǧan şaǧyn qaladan sän-saltanaty tolysqan zamanaui astanaǧa ainaldy. Elbasynyŋ 90-şy jyldardaǧy äleumettık-ekonomikalyq qiyndyqqa qaramastan osyndai batyl şeşım qabyldauy – tarihi köregendılık dep aituǧa bolady. Şahardaǧy tūrǧyndar sany da 3,5 esege artyp, qazırgı künı 1 million adamnan asty, – dedı qala basşysy.
Sonymen bırge Altai Kölgınov Memleket basşysy Qasym-Jomart Toqaevtyŋ elordanyŋ odan ärı tabysty damuyna erekşe maŋyz berıp otyrǧandyǧyn aitty.
«Bügınde Nūr-Sūltan qalasy – zamanaui innovasiialyq jobalardy ıske asyratyn jäne älemdık talaptarǧa tolyq jauap beretın bılım beru, medisina, sporttyq klaster şoǧyrlanǧan ortalyqqa ainaldy. Sondai-aq Nazarbaev universitetı, EKSPO, «Astana Opera» teatry, «Astana» halyqaralyq qarjy ortalyǧy sekıldı airyqşa nysandary bar şahar. Elordanyŋ halyqaralyq deŋgeidegı bäsekege qabılettılıgın arttyru üşın 5 negızgı baǧytty josparlap otyrmyz. Osy mındettı ıske asyru arqyly investorlar men käsıpkerlerge jaŋa mümkındık tuady» dedı şahar äkımı.
Jiyn barysynda GFCC prezidentı Debora L.Vins Smit öz sözınde elımızdıŋ astanasy kezdesuge öte qolaily qala ekendıgın aityp: «Qazaqstan – qazırgı taŋda ömırdıŋ barlyq salasyn qamtityn transformasiialyq prosesterdıŋ jüregı» dedı.
Al Ükımet basşysynyŋ bırınşı orynbasary – Qarjy ministrı Älihan Smaiylov Düniejüzılık Banktıŋ «Doing Business» reitingısınde Qazaqstan 28-orynǧa köterılgenın, Jahandyq bäsekege qabılettılık indeksınde elımız 59-orynǧa ie bolǧanyn atap öttı.
QR Tūŋǧyş Prezidentı – Elbasy qorynyŋ atqaruşy direktory Äset İsekeşev sammittıŋ taŋdalǧan taqyrybynyŋ özektılıgın aityp, soŋǧy on jyldyqta bolǧan ömırdıŋ türlı salalaryndaǧy eleulı ılgerıleuler jaiynda äŋgımeledı.
«Tūŋǧyş Prezident Qorynyŋ missiiasy – eldıŋ tūraqty damuyna jäne ūltymyzdyŋ bäsekege qabılettı boluyna yqpal etu. Elbasynyŋ tapsyrmasy boiynşa bırneşe jobany ıske qosamyz. Olardyŋ bırı – elımızdıŋ bäsekege qabılettılık qasietın arttyru, tūraqty inkliuzivtı ösudıŋ äleumettık-ekonomikalyq modelı boiynşa memleket üşın ūsynystar äzırleu jäne de ǧylymi-täjıribelık zertteuler jürgızu» dedı ol. Sondai-aq Äset Örentaiūly Nūr-Sūltan, Almaty jäne Şymkent sekıldı ırı qalalardan talai talanttar tülep ūşqandyǧyn aityp, al bas şahardyŋ daryndylar üşın ozyq ortalyq retınde tanylǧandyǧyn jetkızdı.
