– Būl jolǧy Joldau tolyqtai äleumettık baǧytta boldy. Osyǧan orai, bırneşe maŋyzdy mäselelerge toqtalaiyn. Bırınşıden, Elbasy Joldauda eŋ tömengı eŋbekaqy kölemın 28-den 42 myŋ teŋgege arttyru turaly aitty. Iаǧni aldaǧy uaqytta 1,5 mln qazaqstandyqtardyŋ jalaqysy 35 paiyzǧa ösedı degen söz. Būdan biudjetke aitarlyqtai salmaq tüsetınıne qaramastan, memleket qarapaiym halyqtyŋ äleumettık ahualyn jaqsartu üşın osyndai qadamǧa baryp otyr.
Ekınşıden, qoljetımdı baspana. Būl oraida alǧaşqy jarna töleu men järdemaqşa öte maŋyzdy mäsele bolyp tabylady. Demek, baspananyŋ qoljetımdılıgı artady. Mysaly, «7-20-25» baǧdarlamasy arqyly köptegen qazaqstandyqtar üi alady. Elbasymyz aitqandai, alǧaşqy jarnaǧa järdemaqşa bölu arqyly baspanaly bolatyn azamattardyŋ sany köbeiedı.
Üşınşıden, jalpy ışkı önımdı arttyrudy bügınnen qolǧa almasaq, 10 jyldan keiın keş qalamyz. JIÖ-nıŋ 10 paiyzyn bılım beru, densaulyq saqtau, ǧylymdy örkendetuge jūmsau – asa qūptarlyq bastama. Sebebı būl salalar damymai, el de damymaidy. Elbasynyŋ özı mūǧalımnıŋ märtebesın ösıru üşın arnaiy zaŋ qabyldanatynyn aitty. Sondai-aq, orta jäne joǧary bılım beruge qatysty da mäseleler söz boldy. Mūǧalımder bılımdı, bılıktı bolmasa, jastarymyz özge elderge oquǧa ketedı.
Törtınşıden, 2025 jylǧa deiın «Biznestıŋ jol kartasy-2020» baǧdarlamasynyŋ ūzartylatyny jäne oǧan jyl saiyn 30 mlrd teŋge bölınetını de köpşılıktı quantty. Öitkenı atalǧan baǧdarlama özınıŋ tiımdılıgın tolyq däleldedı. Sonymen qatar, tıkelei investisiialar qoryn qūru jönındegı Elbasynyŋ bastamasyn atap aitqym keledı. Būl maqsatqa şamamen 300 mlrd teŋge bölınedı. Būl qazırgı zamanǧa syn-qaterlerge ün qatu dep tüsınemın. Öitkenı bız şikızat şyǧaratyn elmız. Özımızdıŋ öndırısımızdı örkendetkende ǧana şikızattyq el degen ataudan qūtylamyz.
