Qazaqstan Respublikasynyŋ Ūlttyq muzeiınde «Uaqyt jäne Astana: Bolaşaqtan keiın» atty zamanaui öner körmesı aşyldy. 21 qaŋtarǧa deiın jalǧasatyn körmege 25 jas avtordyŋ installiasiia, foto nemese beineart, performans, keskındeme janryndaǧy tuyndylar qoiyldy.
«Körmede täjıribelık tuyndylardy körıp otyr-syzdar. Oǧan suretşıler ǧana qatyspai, ǧalymdar, äleumettanuşylar, filosoftar, säuletşıler, antropologtar, biologtar atsalysty. Mūndaǧy jūmystar Astana bolaşaqta qalai örleitını, qalanyŋ damuyn tejeitın qandai oilardan aryluymyz kerektıgı jönınde syr şertedı. Köbımız elordaǧa negızınen syrttan keldık. Sondyqtan älı de Astanaǧa boi üirete almai jürgen adamdar aramyzda jür. Myna körme Astanany qala tūrǧyndaryna neǧūrlym jaqyndatu, elımızdıŋ bas qalasyn adamdarǧa jailyraq etu maqsatynda ūiymdastyryldy. Osynda tuyndylary qoiylǧan suretşılerdıŋ jasy Qazaqstan täuelsızdıgımen şamalas. Ärine, olar täuelsızdıkke deiıngı kezeŋ men bügındı, bolaşaq ömırdı qalai elestetetını bärımızdı qyzyqtyrady» dedı QR Ūlttyq muzeiı Zamanaui öner ortalyǧynyŋ jetekşısı Roza Äbenova.
Körme kuratory Äigerım Qapardyŋ aituynşa, «Artcom» şyǧarmaşylyq kommunikasiialyq platformasynyŋ bastamasymen jüzege asyp jatqan atalmyş joba önerdı ǧylymmen ūştastyrudy közdeidı.
«Qazır, negızınen, Aqmolanyŋ Astana bop özgergen bergı jiyrma jyldyq tarihyn ǧana söz etemız. Kezınde Qazaqstandaǧy tyŋ ölkesınıŋ ortalyǧy bolǧan Selinograd kezeŋın eske alǧymyz da kelmeidı. Onymyz bır jaǧynan dūrys ta, sebebı tyŋnyŋ elımızge äkelgen zardaby belgılı. Mäselen, körkem ädebiette Qazaqstannyŋ halyq jazuşysy, Memlekettık syilyqtyŋ laureaty Säken Jünısovtıŋ «Japandaǧy jalǧyz üi» povesı men körnektı aqyn Keŋşılık Myrzabekovtıŋ «Boz bie nemese tyŋ jyrtqan jyl» öleŋı būl nauqandy äşkereleidı. Körmege qoiylǧan Ashat Ahmediiarovtyŋ «Oraq pen balǧa» tuyndysy erıksız keŋestık kezeŋdı eske tüsıredı eken.
Būl körmedege kartinalardaǧy oŋ jaǧalau – Astananyŋ keşegısı, sol jaǧalau – bügıngısı jäne «EKSPO-2017» körmesınıŋ aumaǧy – bolaşaǧy sekıldı eles-teidı. Körmenı aralap jürgende oilandyratyn kartinalar bıraz kezdesedı. Al olardy salǧan jas suretşıler ekenın eskersek, elımızde beineleu önerınıŋ bolaşaǧy jaily kemel oilar keledı.
Amanǧali QALJAN
