Öner ortalyǧyna ainalady
Bügın elordada qala äkımı Baqyt Sūltanov 2 mausym men 10 tamyz aralyǧynda ötetın halyqaralyq Astana Art Show zamanaui öner festivalınıŋ art-direktory jäne jetekşısı Jerom Sanspen kezdestı.
Şahar basşysy zamanaui suretşıler forumyn ötkızuge jan-jaqty kömek körsetetının aitty. Körme ekı alaŋda – Beibıtşılık jäne kelısım, Täuelsızdık sarailarynda ötedı. Ol 15 eldıŋ 40-qa juyq suretşısınıŋ basyn qospaq. Sondai-aq öner festivalı aiasynda «Bırınşı bailanys» jastar körmesı men halyqaralyq Racing the Galaxy körmesı de ūiymdastyrylady.
«Būl joba ekınşı jyl jūmys ısteude. Bızdıŋ basty maqsatymyz – qazırgı zamanǧy öner körsetetın daryndy suretşılerdı bır alaŋda jinau. Astana Art Show-2019 barlyq suretşılerge tän nomadizm men erkındık ruhyn paş etedı» dedı Artios jäne TSE Art Destination galereiasynyŋ negızın qalauşy Dina Baitasova.
«Bırınşı bailanys» jastar körmesınde otandyq 22 jas suretşınıŋ jūmystary ūsynylady. Al Racing the Galaxy körmesınde tanymal qazaqstandyq öner ielerımen qatar şeteldık suretşılerdıŋ jūmystaryn da köruge bolady. Körme aiaqtalǧannan keiın jūmystardyŋ basym bölıgı mūrajailarǧa berılse, art-installiasiialar men müsınder qala köşelerınde ornalastyrylatyn bolady.