Nūr-Sūltan qalasy Mädeniet basqarmasyna qarasty mädeniet mekemelerı apta saiyn qala tūrǧyndaryna arnap ıs-şaralar ūiymdastyrady. Osy apta soŋynda qala tūrǧyndary men qonaqtary bırneşe konserttı, süiıktı ärtısterınıŋ önerın tamaşalai alady. Elımızdıŋ körnektı qairatkerlerı turaly därıs tyŋdap, mūrajailardy aralau mümkındıgı bar. Teatrlarda premeralar ötedı.
M.Gorkii atyndaǧy Memlekettık akademiialyq orys drama teatry 2 säuır künı saǧat 11:00-de balalarǧa arnap A.Boldinovtyŋ «Läilek balapanynyŋ hikaialary» ertegısın, al sol künı saǧat 18:00-de A.Ostrovskiidıŋ «Naizaǧai» dramasyn ūsynady.
E.Rahmadiev atyndaǧy Memlekettık akademiialyq filarmoniiasy 31 nauryz künı saǧat 19:00-de «Astana» konsert zalynda «Uaqyt aǧynynda» atty ışektı aspaptar kvartetınıŋ konsertın, 2 säuırde ürmelı aspaptar orkestrı men kameralyq hory «Kompiuterlık oiyndardyŋ saundtrekterı» muzyka keşın ūiymdastyrady.
2 jäne 3 säuır künderı saǧat 16:00-de Astanalyq sirk jūrtşylyqty Almaty memlekettık sirkınıŋ «Excentriko» baǧdarlamasyna şaqyrady.
«Jastar» teatry körermenderge ekı qoiylym äzırlep otyr. 31 nauryzda Q.Jünısovtıŋ «Prank mahabbat» komediiasyn, 2 jäne 3 säuırde I.Esenberlinnıŋ «Ǧaşyqtar» dramasyn körsetedı.
Quyrşaqtar teatrynda 31 nauryzda «Nauryz-duman» quyrşaqtar şouy, 1-3 säuır aralyǧynda G.H.Andersennıŋ «Kışkentai su perısı» ertegısı ötkızıledı.
Muzykalyq jas körermen teatry 31 nauryz ben 1 säuırde «Tabysty oryn» komediiasyn, al 3 säuırde «Mahabbat – jürek» muzykalyq-poetikalyq spektaklın körsetedı.
Ä.Mämbetov atyndaǧy Memlekettık drama jäne komediia teatry 1 jäne 2 säuırde Ş.Aitmatovtyŋ «Borandy beket» spektaklınıŋ premerasyn ūsynady.
Nūr-Sūltan qalasynyŋ bırıkken muzeiler direksiiasy da osy aptada köptegen ıs-şara josparlap otyr. Olardyŋ basym bölıgı onlain formatta ūiymdastyrylady. 1 säuırde «Atameken»: Qazaqstan kartasy» etno-memorialdyq keşenınıŋ akkaunttarynda būlbūl änşı, Halyq qaharmany Roza Baǧlanovanyŋ 100 jyldyq mereitoiyna arnalǧan «Tabiǧat syilaǧan daryn» atty därıs ötedı. 1 säuırde direksiia «Sol qandy uaqytta» körmesın, al 3 säuırde «Taǧdyrdy bailanystyratyn jıp» ekspozisiiasyn ūiymdastyrady.
Säken Seifullin muzeiınıŋ äleumettık jelıdegı paraqşasynda 31 nauryzda «Säken jäne Rahima Halfina» atty zertteu-maqala jariialanady. Al Nūr-Sūltan qalasy ortalyqtandyrylǧan kıtaphanalar jüiesıne qarasty kıtaphanalar apta boiy atauly künderge orailastyrylǧan kıtap körmelerın, oqu saǧattaryn, kezdesulerdı, ädebietterge şolular men aşyq esık künderın ötkızedı. Qazır qala kıtaphanalarynda Balalar kıtabynyŋ aptalyǧy ötıp jatyr. Al 2 säuırde Halyqaralyq balalar kıtaptary künıne orai №5 balalar kıtaphanasy «Kıtappen älem meiırımdı jäne jarqyn» atty kıtap jäne oqu merekesıne şaqyrady.
