Elordada Qazaq ūlttyq öner universitetınıŋ 20 jyldyǧy toilandy. Saltanatty keşke Elbasy Nūrsūltan Nazarbaev qatysyp, universitet ūjymyn, sondai-aq, önerpaz qauymdy mereitoimen qūttyqtady.
«Eldıŋ mädeni ömırıne şyǧarmaşyl qauym eleulı üles qosyp keledı. Astanaǧa bükıl Qa-
zaqstannan mädeniet salasynyŋ üzdık ökılderın şaqyrdym. Aiman Mūsaqojaeva – sonyŋ bırı. Älemde köptegen universitet bar. Bıraq öner universitetı tek Astanada ǧana boi köterdı. Ony basqarǧan Aimannyŋ jūmysyna joǧary baǧa beremın. Bügınde elordada Opera jäne balet teatry, Horeografiia akademiiasy, Ortalyq konsert zaly jäne basqa da mädeniet oşaqtary aşyldy» dep atap öttı öz qūttyqtauynda Memleket basşysy.
Merekelık konsertte qazaq jäne şetel kompozitorlarynyŋ är janrdaǧy tuyndylary ūsynyldy. Latif Hamididıŋ «Būlbūl» änı, Leonard Bernstainnyŋ «Vestsaid tarihy» miuziklınen «Simfoniialyq biler» jäne basqa da köptegen şyǧarmalar «Qazaqstan» ortalyq konsert zalyn keuledı. «Qazaqtyŋ Mosarty» atanǧan talantty kompozitor, vunderkind, «Qazaqstannyŋ 100 jaŋa esımı» jobasynyŋ jeŋımpazy Rahat-Bi Äbdısaǧyn köpşılık aldynda öner körsettı.
Bır aitarlyǧy, ötken 20 jylda universitettıŋ 500-den asa tülegı halyqaralyq konkurstar men baiqaulardyŋ laureaty atandy. Olardyŋ qatarynda Dimaş Qūdaibergen, Sündet Baiǧojin syndy daryndy önerpazdardy erekşe atap ötu kerek. Bügıngı taŋda universitette kolledj, bakalavriat, magistratura jäne doktorantura bar. Qazırgı kezde atalmyş oqu ordasynda 3 myŋǧa juyq student bılım alyp jür.
Qarlyǧa AISANQYZY
