Bas qalada XII halyqaralyq «Aq kögerşın» balalar şyǧarmaşylyǧyna arnalǧan festival dübırlep öttı. Būl şara elordanyŋ 20 jyldyq mereitoiyna arnaldy.
Üş künge sozylǧan dübırlı dodaǧa elımızdıŋ är tükpırınen daryndy balalar keldı. Sondai-aq, alystan at terletıp jetken Resei men Qyrǧyzstannyŋ talantty jetkınşekterı de baq synady. Qysqasy, festivalda 5-17 jas aralyǧyndaǧy 1000-nan asa önerpaz örender qatysty. Baiqau balalardyŋ jas aralyǧyna qarai 8 atalymǧa bölıngen. Mäselen, vokal, bi önerı, teatr, halyqtyq öner, körkem söz sekıldı nominasiialar bar.
«Būl şara 2007 jyldan berı ūiymdastyrylyp keledı. Biyl on ekınşı märte ötıp otyr. Basty maqsatymyz – jas jetkınşekterdı önerge baulyp, jaŋa esımder aşu. Būl oiymyz oryndaldy. Qazır «Aq kögerşınnen» ūşqan jas talanttar Germaniia, İspaniia, Chehiia, Koreia, Reseide laureat atanyp ülgerdı. Būǧan bız qatty quanamyz» dedı «Aq kögerşın» balalar qorynyŋ direktory Tamara Eskenova.
Festival öte qyzyqty ärı tartysty boldy. Balalardyŋ önerı bırınen-bırı ötedı. Olardy sarapqa salǧan qazylarǧa da oŋai timedı. Alaida bäigenıŋ aty – bäige. Şyn jüirıkter märeden qara üzıp keletını anyq. «Horeografiia» nominasiiasyndaǧy üş top boiynşa Qazaqstan, Resei jäne Qyrǧyzstannyŋ bişılerı bas jüldege qol jetkızdı. Al «halyqtyq öner» atalymynda Batys Qazaqstan oblysy Şyŋǧyrlau audanynan kelgen «Jas tolqyn» balalar ansamblı gran-pridı jeŋıp aldy. Al Almaty qalasynyŋ №3 oquşylar üiı janynda «Dala sazy» orkestrı ūlttyq aspaptar saiysynda bırınşı orynǧa ie boldy. Basqa da atalymdar boiynşa jeŋımpazdar anyqtaldy. Bır sözben aitqanda, jüldegerlerdıŋ bärı baǧaly syilyqtarmen marapattaldy.
Azamat ESENJOL
