«ŪLYTAU» ALLEIаSY
Qaraǧandy oblysy «Qazaq elıne myŋ alǧys» atty 14 metrlık eskertkış pen «Ūlytau» alleiasyn halyq igılıgıne berdı. Monumentte qazaqpen bırge özge ūlt ökılderın bauyryna basqan Ana müsını beinelengen. Eskertkış repressiia jyldaryndaǧy halqymyzdyŋ darhandyǧyn bıldıredı. Odan basqa, alleiaǧa Altyn şoqy döŋınıŋ basynan tabylǧan Ämır Temırdıŋ jazuy basylǧan tastyŋ köşırmesı qoiylǧan. Terektı Äulie men Baiqoŋyrdyŋ petroglifterın de osy jerden köre alasyzdar.
«JETISU» SAIаBAǦY
Astanalyqtardyŋ süiıktı demalys ornyna ainalǧan «Arai» saiabaǧyn Almaty oblysy jaŋǧyrtyp, jaŋartyp «Jetısu» degen ataumen qaita syilady. 15 gektar jerdı alyp jatqan saiabaqta oiyn alaŋy, tamaqtanu aimaǧy, kölık tūraǧy, ūzyndyǧy 1,5 şaqyrym bolatyn velosipedşılerge arnalǧan ainalma jäne jügıru joldary bar. Tüngı körınısı tıpten tamaşa: 380 arnaiy şam saiabaqty säulege bölep, samaladai jarqyratady. Būl saiabaqta ornatylǧan «Aport» alaŋy, «Tamǧaly tas» müsını jäne «Şaryn şatqalynyŋ» ülgısı sol öŋırdıŋ bır bölşegı ıspettes.
«ATYRAU» KÖPIRI
Esıl özenı arqyly ötetın «Atyrau» köpırı köpşılıktıŋ közaiymyna ainalyp ülgerdı. Jaiau jürgınşıler men qos döŋgelektı kölık ielerıne arnalǧan köpır Samal audany men Amfiteatrdy bailanystyrady. Velojürgınşılerge arnalǧan joldyŋ jalpy ūzyndyǧy 56 şaqyrymdy qūraidy. Alyp aspaly köpırdıŋ ūzyndyǧy – 313,5 metr, enı – 10,5 metr, al salmaǧy – 2500 tonna. Köpır pışını jaǧynan bır-bırın qaitalamaityn 2450 japyraqpen kömkerılgen. Nysannyŋ jobasyn Astananyŋ urbanistika ortalyǧy äzırlegen.
ǦARYŞ MUZEII
Qyzylorda oblysy elordaǧa syilyq retınde aşyq aspan astyndaǧy ǧaryş muzeiı – raketa-ǧaryş tehnikasy ekspozisiiasyn tabys ettı. «QazǦaryşSapary» AQ Ūlttyq ǧaryş ortalyǧynyŋ aumaǧynda ornalasqan ǧaryş ailaǧy 1,4 gektar jerdı alyp jatyr. Zymyran-ǧaryş tehnikasy muzeiınıŋ aşyq ekspozisiiasynda «Soiuz», «Proton», «Zenit» zymyran tasyǧyştarynyŋ maketterı, «Boran» orbita kemesınıŋ ülgısı qoiylǧan.
ALYP SUBŪRQAQ
Şyǧys Qazaqstan oblysy muzykalyq subūrqaqty syiǧa tartty. Ol jaŋadan boi kötergen Botanikalyq baqta ornatyldy. Bır erekşelıgı, fontan türlı tüske boialyp, äuenge myŋ būrala bileidı. 72 metrlık döŋgelekke jaiǧasqan subūrqaqtyŋ däl ortasynda taiqazan qoiylǧan. Onyŋ biıktıgı – 6,5 metr, al aumaǧy – 8 metrdei. Su osy qazannyŋ ışınen qainap şyǧyp jatqandai äser qaldyrady.
EKSPO qalaşyǧyna jaqyn ornalasqan saiabaqta velosipedşılerge jäne jügıruge arnalǧan joldar bar.
«ALMATY» BALABAQŞASY
Sol jaǧalauda 240 orynǧa şaqtalǧan «Almaty» balabaqshasy aşyldy. Bır qyzyǧy, balabaqşany 12 topqa bölıp, är toptyŋ atauyn Almaty qalasymen bailanystyrǧan. Mäselen, «Alatau», «Medeu» mūz aidyny, «Şymbūlaq» zamanaui tau-şaŋǧy şipajaiy, ataqty «Alma-Arasan», turisterge tartymdy «Tau samaly», aty aŋyzǧa ainalǧan «Üşqoŋyr», barşaǧa tanymal «Almaly», tarihi ortalyq – «Jetısu», Almaty simvoly – «Aport», jūmbaqqa toly «Altyn adam» taqyryptyq toptary aşylǧan.
«AQJAIYQ» TYNYMBAǦY
Bas qalanyŋ körkı Batys Qazaqstan oblysy salǧan «Aqjaiyq» tynymbaǧymen tolyqty.
Ol Jeŋıs–Bögenbai batyr daŋǧyldarynyŋ qiylysynda salyndy. Jaŋa saiabaqtyŋ basty nysany – qazaqtyŋ batyr qyzy Mänşük Mämetovanyŋ eskertkışı. «Aqjaiyq»
tynymbaǧynda amfiteatr, subūrqaq, «Siqyrly labirint» installiasiiasy, taqyryptyq
alaŋdar, sondai-aq basketbol jäne jügıru alaŋdary bar.
DOSTYQ ÜII
Mūnaily ölke – Maŋǧystau Assambleia ökılderıne arnap jaŋa ǧimarat salyp berdı. Naqtyraq aitqanda, Bauyrjan Momyşūly köşesı boiynda ornalasqan ǧimarat «Dostyq üiıne» ainalyp, qaita jaŋǧyrdy. Üşqabatty ǧimarattyŋ jalpy aumaǧy – 4900 şarşy metr. Bırınşı qabatta – bi zaly, ashana, studiia, ekınşı jäne üşınşı qabattarda akt zaly, kıtaphana, kiım bölmesı, mūrajai, sondai-aq konferens-zal ornalasqan.
