Astana qalasynyŋ Bılım basqarmasy qosymşa bılım salasyn oŋtailandyru mäselesın qarap, tiıstı normativtık-qūqyqtyq aktılerdı zerttep jatyr. Eger būl naqty jüzege asatyn bolsa, bas qaladaǧy qosymşa bılım mekemelerınıŋ sany 11-den 7-ge qysqarmaq. Qazırgı taŋda № 2 öner mektebı men balalar körkemsuret mektebın № 1 öner mektebıne qosu jäne № 2 men № 3 muzyka mektepterın № 1 muzyka mektebımen bırıktıru josparlanuda.
Keibır ata-analar äleumettık jelıler arqyly būǧan qarsylyq bıldırıp jatyr. Oŋtailandyruǧa ılıkkelı jatqan mekemelerdıŋ basşylary da mūny qūptap otyrǧan joq.
Bılım jäne ǧylym vise-ministrı Elmira Suhanberdievanyŋ uäjınşe, muzyka mektepterın bırıktıru mäselesın ata-analardyŋ özderı köterıp, būl turaly atalmyş vedomstvoǧa hat jazǧan. Al Astananyŋ Bılım basqarmasy basşysynyŋ orynbasary Dulat Jekebaev qosymşa bılımdı oŋtailandyru bılım sapasyn arttyru maqsatynda közdelıp otyrǧanyn, ata-analar alaŋdaityndai negız joq ekenın, mektep tülekterı būrynǧydai özderınıŋ diplomdary men sertifikattaryn alatynyn jäne būl özgerıs oqu üderısıne äser etpeitının aitady.
«Özgerıster bolǧan jaǧdaida äkımşılık-basqaru qyzmetkerlerınıŋ jūmysy qaita qaralady. Būl mektepterdıŋ aǧymdaǧy jaǧdaiyn jaqsartuǧa mümkındık beredı. Mektepterdı jabu nemese qysqartu emes, ırılendıru boljanyp otyrǧandyǧyn atap ötkım keledı. Nätijesınde bıryŋǧai basqaru ortalyǧy men filialdyq jelı paida bolady. Bügıngı taŋda qosymşa bılım ūiymdary jelısın keŋeitıp, olarǧa qoljetımdılıktı arttyrudy josparlap otyrmyz. Bız balalardyŋ müddelerın, ata-analardyŋ mümkındıkterın eskere otyryp, şeşım qabyldaimyz. Qosymşa bılım jeke qolǧa ötpeidı. Oqu aqysy da öspeidı» deidı D. Jekebaev.
Onyŋ aituynşa, qalalyq Bılım basqarmasy qosymşa bılım beru ūiymdary jelısın keŋeitkende pedagogtar ştaty da, būl bılımmen qamtylatyn balalar sany da ūlǧaiyp, äkımşılık-basqaru qyzmetkerlerı ǧana azaiady. Mäselen, biylǧy oqu jylynda muzykalyq jäne körkemsuret mektepterı filialdarynyŋ, basqa qosymşa bılım beru ūiymdarynyŋ aşyluy esebınen qosymşa 5 myŋǧa juyq bala qamtylǧan.
Qosymşa bılımdı oŋtailandyru mäselesıne halyq qalaulylary da nazar audardy. Juyrda Parlament Mäjılısınıŋ deputaty İrina Smirnova bır top ärıptesımen bırge Premer-ministr Baqytjan Saǧyntaevtyŋ atyna deputattyq saual joldady. Deputattar öner mektepterı men muzyka mektepterın bırıktıruden tük paida joq, kerısınşe ziiany köp dep esepteidı.
«Būl oŋtailandyru Resei täjıribesıne süienıp, jasalmaq. Alaida Qazaqstandaǧy jäne Reseidegı qosymşa bılımnıŋ jaǧdaiyn salystyrǧanda, bızdegı jaǧdai köŋıl könşıtpeidı. Mäselen, Sankt-Peterburgte 5 mln 500 myŋ tūrǧynǧa 640 qosymşa bılım beru mekesı jūmys ısteidı. Olardyŋ 450-ı tolyqandy Oquşylar saraiy, iaǧni, 10 myŋ tūrǧynǧa bır sarai, 100 myŋ tūrǧynǧa 45 muzyka mektebı, 113 öner mektebı. Sonyŋ nätijesınde Sankt-Peterburg oquşylarynyŋ 120 paiyzy qosymşa bılımmen qamtylǧan.
Qazan qalasynda Astanamen şamalas 1 mln 230 myŋ halyq tūrady. Būl qalada 90 qosymşa bılım mekemesı balalardyŋ 80 paiyzyn qamtyp otyr. Astanada bolsa, qosymşa bılımmen oquşylardyŋ 22 paiyzy ǧana qamtylǧan. 1 mln tūrǧynǧa 11 ǧana qosymşa bılım beru mekemesı jūmys ısteidı. Būl – 2 Oquşylar saraiy, 2 öner mektebı, 3 muzyka mektebı, 1 körkemsuret mektebı, 1 tehnikalyq şyǧarmaşylyq ortalyǧy, 1 balalar-jasöspırımder turizm jäne ölketanu ortalyǧy jäne 1 balalar-jasöspırımder ortalyǧy. Osyǧan qaramastan, qosymşa bılım mekemelerı 11-den 7-ge azaimaq. Būl jaǧdai balalardyŋ qosymşa bılımmen qamtyluyn 14 paiyzǧa tömendetıp qana qoimai, qosymşa bılımnıŋ qoljetımdı boluyna kümän tudyrady. Oŋtailandyru qorytyndysynda 18 ştattyq bırlık qysqaryp, jylyna 20 mln teŋge ünemdelmek. Alaida oŋtailandyruǧa ılıkkelı jatqan mekemelerden kırıs odan äldeqaida köp – jylyna 100 mln teŋge kıredı. Iаǧni, oŋtailandyruda eşqandai logika joq. Sondyqtan Astanada ǧana emes, özge aimaqtarda qosymşa bılım mekemelerın saqtau mäselesın dereu qarastyryluy kerek» delıngen deputattyq saualda. Būǧan resmi türde älı jauap berılgen joq.
Bılım jäne ǧylym vise-ministrı Elmira Suhanberdieva oŋtailandyru nätijesınde qosymşa bılımmen qamtylǧan balalardyŋ sany azaimai, tek qana bır direktor bırıkken mekemelerdı basqaratynyn aitady. Ata-analar men mekeme direktorlary bırıktıru balalarǧa ziianyn tigızedı dep esepteidı. Mäsele älı tübegeilı şeşılgen joq. Mūny baqylauda ūstaityn bolamyz.
Tolqyn SŪLTANOVA,
ata-ana:
– Balalarymyz 2005 jyly Elbasynyŋ tapsyrmasymen aşylǧan №2 öner mektebınde därıs alady. Būl mekteptıŋ baǧdarlamasy kädımgı käsıbi öner kolledjderınıŋ negızınde jasalǧan. Oquşylar tek aspapta ne bolmasa, tek akter şeberlıgın ǧana oqyp qoimaidy. Mektep baǧdarlamasy älem muzykasynyŋ ädebietı, älem teatrynyŋ tarihyna deiın qamtyǧan. Ärı mekteptıŋ öz baǧyty, özındık jospary bar.
Eger qalamyzdaǧy öner mektepterı men muzyka jäne körkemöner mektepterı bırıgıp, bır basşy bolatyn bolsa, bırınşıden baqylau azaiady. Sebebı, ärqaisy är audanda, qalanyŋ bır-bırınen alys jerlerde ornalasqan. Ekınşıden, bılım sapasyn qadaǧalau tömendep ketetını aitpasa da tüsınıktı. Öner mektepterın jalpy bılım beretın mekteptermen salystyruǧa kelmeidı. Mūnda är bala jeke-jeke bılım alady. Sonymen qatar, bır mekemege bırıktırılgen jaǧdaida bäsekelestık te azaiady.
Bızdıŋ mektebımız taza qazaq tılınde oqityn elordamyzdaǧy bırden-bır öner mektebı. Balalarymyz küi, dästürlı än, ūlttyq aspaptyŋ san türın meŋgerıp, ūlttyq qūndylyǧymyzdy jastaiynan boiyna sıŋırıp keledı. Al basqa mektepterde ekı tılde oqytylady. Eger, bırıktırgen jaǧdaida är mektep ūstanǧan baǧytynan jäne öz statusyn airylady. Sonda elordamyzda qazaq tılınde oqytatyn öner mektebı bolmaidy.
Gülmira JANGELDI,
№ 2 öner mektebınıŋ direktory:
– Direktorlardyŋ qosymşa bılımdı oŋtailandyruǧa kelıspei jatqanyn joǧarǧy jaqtar dūrys tüsınbei jatyr. Olar öz oryndarymyzǧa jabysyp otyr dep oilaidy. Bız būǧan basynan qarsymyz. Jūmyssyz qalamyz dep qoryqpaimyz, ärqaisymyz da myqty mamanbyz. Mysaly, men hor dirijerı retınde jūmys taba alamyn. Bızdı balalardyŋ bolaşaǧy alaŋdatady. Üş mekemeden bır mekeme qalsa, qanşama bala bos jürıske salynyp, uaqyttaryn qalai bolsa, solai ötkızedı. Al qalada qazır qosymşa bılımge degen sūranys öte joǧary. Mysaly, mektebımızde bır orynǧa 10-15 baladan keledı. Oryn joq dep aityp jatsaq, ata-analar renjidı. Berılgen şarşy metrlerge şaqtap balalardy qabyldaimyz. Qazır 468 balany oqytyp jatyrmyz. Qaladaǧy 11 qosymşa bılım mekemesınıŋ ışınde №2 muzyka mektebı men №2 öner mektebı ǧana qazaq tılınde oqytady. Mektepter qosylatyn bolsa, bızden ekı tılde oqytyŋdar dep talap etedı. Tıl mäselesı, ūlttyq tärbie taǧy qalaiyn dep tūr. Bızge özge ūlttar da balalaryn berıp jatyr. Mäselen biyl bızge qazaqy tärbie alsyn dep ata-anasy Veronika degen qyzdy alyp keldı.
Leonid HAN, ata-ana:
– Bız balalarymyzdyŋ bolaşaǧyna alaŋdaimyz. Är balaǧa özı oqyǧan mektebı ystyq. Balam baratyn №3 muzyka mektebınıŋ basşylyǧy men ūstazdary jūmystaryn jaqsy atqaryp otyr. Biyl ǧimaratty jöndep, jaŋa jabdyqtardy, muzyka aspaptaryn satyp aldy. Balalarymyz sapaly bılım aluy tiıs. Al qazır qosymşa bılım «Jastar» saraiynyŋ ülgısı negızınde qūrylǧaly jatyr. «Jastar» saraiynda ondai käsıbilık joq. Onda solfedjio, muzykalyq ädebiet siiaqty pänder oqytylmaidy. Ol qarapaiym üiırme siiaqty jūmys ısteidı jäne balalardyŋ bolaşaǧyna negız qalamaidy.
