Türkıstan degen jaŋa oblysty qūrǧan Elbasynyŋ tarihi şeşımıne dän rizamyn. Bıraq… Elımızdıŋ kartasynan «Oŋtüstık» degen atau, ūǧym tüsıp qaldy. Bızde Soltüstık Qazaqstan, Batys Qazaqstan Jäne Şyǧys Qazaqstan oblysy degen bar. Oŋtüstık Qazaqstan oblysy joq!
Ädıldıkke jügınsek, geografiialyq şarttylyqtan bas tartyp, Soltüstık Qazaqstan oblysyn da Qyzyljar oblysy dep özgerteiık. Aqyry qalaǧa bere almaǧan ataudy, oblysqa bereiık. Öitkenı jerdıŋ atauy – Qyzyljar. M.Qozybaev atyndaǧy Soltüstık Qazaqstan memlekettık universitetınıŋ professory Zarqyn Taişybai: «Qyzyljardyŋ Qyzyljar bolatyn jönı bar. Tıptı, Reseidıŋ arhivterın qarap otyrsaŋyz, «äulie Petr», «Petr aǧzam» bekınısı dep, odan keiın «Petr Pavl» bekınısı dep orysşa aitqan künnıŋ özınde jerdıŋ aty – Qyzyljar degen sözder bar» deidı. Qazaqtyŋ sanasyn otarsyzdandyruǧa zor yqpal etetın Qyzyljar degen ataudy oblysqa berudıŋ oŋtaiy kelıp-aq tūr.
Batys Qazaqstan oblysyn «Bökei ordasy oblysy», «Aqjaiyq oblysy» dep özgerteiık degen de ūsynystar aitylyp jür. Osy öŋırde Aqjaiyq degen audan bar. Menıŋ ūsynysym mynadai: Şyǧys Qazaqstandy Alaşorda oblysy, Semeidı Alaş qalasy dep ataiyq! Azattyǧymyzdyŋ bastauynda Alaş tūr. Alaş qairatkerlerı bügıngı täuelsızdıgımızdıŋ jolynda aianbai kürestı, qūrban boldy. Öz ūltyna qyzmet etemın degen är qazaq balasy Alaştyŋ mūratyn jan-jüregımen tüsınıp, sanasyna sıŋırıp ösuı tiıs. Sonda Alaş mūraty men täuelsızdık talaby tereŋ üilesım tabady. Eger de Türkıstannan keiın, elımızdıŋ kartasynda Qyzyljar, Alaşorda degen jaŋa oblystar, Alaş degen qala paida bolsa, ruhani jaŋǧyrudyŋ, sanamyzdy tazartudyŋ keremet körınısıne ainalar edı.
Tölen TILEUBAI
