Elbasynyŋ «Bolaşaqqa baǧdar: ruhani jaŋǧyru» baǧdarlamalyq maqalasy men bas qalanyŋ 20 jyldyq mereitoiyna arnalǧan «Än men küi äldileidı Astanany» atty Oŋtüstık Qazaqstan (Türkıstan) oblysynyŋ elordadaǧy mädeni künderı öttı.
Mädeni şara aiasynda «Ruhani jaŋǧyru» baǧdarlamasynyŋ öŋırde jüzege asyrylǧan bır jyldyq qorytyndy jūmystarynyŋ keşendı körmesı ūiymdastyryldy. Oǧan 500-ge juyq jūmystar qoiyldy. Jyly aimaqtaǧy daryndy qolöner jäne qylqalam şeberlerınıŋ qolynan şyqqan dünieler elordalyqtardy özınıŋ erekşelıkterımen täntı ettı. Tūrǧyndar şejırelı ölkenıŋ tarihymen tanysty. Oblystyq tarihi-ölketanu muzeiı qorynda közdıŋ jauynalar ūlttyq kiımderdı tamaşalady. Sondai-aq, qyraǧy fototılşılerdıŋ nysanasyna ılıngen tabiǧaty äsem öŋırdıŋ körıktı jerlerı – Qazyǧūrt, Türkıstan, Kentau, Otyrar, Qaratau, Saryaǧaş, Jetısai, Sozaq, Bäidıbek, Tülkıbas, Töle bi, Sairam audandarynyŋ fotosuretterı ūsynyldy.
Aita keteiık, bügınge deiın oblys aumaǧynda «El jüregı – Astana» taqyrybynda 760 şara ötkızılgen. Öŋırdegı 26 köşege «Astana» atauy berılgen. Oŋtüstık Qazaqstan oblysy bas qalaǧa syi retınde jalpy qūny şamamen 766, 2 mln teŋge qūraityn Esıl özenı boiynda ortalyq saiabaq pen Ministrlıkter üiı aralyǧyna deiın sozylǧan 5,173 şaqyrym velojol saluda.
Şara soŋynda «Asqaqtai ber, Astana!» atty Oŋtüstık Qazaqstan oblysy önerpazdarynyŋ gala-konsertı öttı. Onda QR halyq ärtısı Nūrjamal Üsenbaeva, QR Eŋbek sıŋırgen ärtısı Altynai Jorabaeva, Mädeniet qairatkerlerı Ürälhan Seiılbekova, Marat Orazymbetov jäne t.b. daryndy önerpazdar elordalyqtarǧa äserlı köŋıl küi syilady.
Zerlen ERKINBEK,
L.Gumilev atyndaǧy Euraziia ūlttyq universitetınıŋ studentı
