Onkündık ötedı
![](https://astana-akshamy.kz/wp-content/uploads/2021/11/bez-nazvaniya-2.jpg)
Düniejüzılık SPİD-ke qarsy küres künıne orai Nūr-Sūltan qalasynda biyl 15-25 qaraşa aralyǧynda «SPİD: ärbırın tüsınu» taqyrybymen onkündık ötkızıledı.
Qalalyq SPİD-ke qarsy küres ortalyǧynyŋ direktory Säbit Abdraimovtyŋ aituynşa, adamdardyŋ qauıpsızdıgı, jeke basyna qatysty stigma men kemsıtuşılıktı joiu, barlyq mūqtaj jandardy qajettı därı-därmektermen jäne qyzmettermen qamtamasyz etu – ortalyqtyŋ basty mındetı. «Būl auru paida bolǧanyna 40 jyl ötse de, älı de jahanǧa qauıp töndırıp tūr. Ötken 10 aidyŋ körsetkışı boiynşa qalamyzda 277 adamnan SPİD anyqtalǧan. Onyŋ 197-sı – erler, qalǧany – äielder. Jalpy Nūr-Sūltan qalasy boiynşa alǧaş tırkelgen künnen bügınge deiın 2272 adam tırkeude tūrady» deidı ol.
Onkündık aiasynda onlain formatta Qazaq ūlttyq öner universitetınıŋ klassikalyq kameralyq muzykasynyŋ konsertı ūiymdastyrylady. Sondai-aq äleumettık jelılerde ükımettık emes ūiymdar men medisina qyzmetkerlerınıŋ qatysuymen qala tūrǧyndaryna arnalǧan #Uslyşat kajdogo#Ärbırıntüsınu#toHearEveryone atty chellendjı ötkızıledı. Nauqan barysynda gazetterde, elektrondy BAQ-taǧy üzdık jariialanym jäne üzdık tele/radio materialy üşın jurnalister arasyndaǧy baiqaudyŋ qorytyndysy jariialanady. Mektep jäne kolledj studentterı arasynda derttıŋ aldyn alu boiynşa viktorinalyq oiyndar, jastarǧa arnalǧan forum ūiymdastyrylady. Astana medisina universitetınıŋ studentterı arasynda debat, ırı JOO-da SPİD boiynşa jedel testıleu ötkızıledı. Dostyq kabinetınde, №15 qalalyq emhanada SPİD boiynşa ekspress-testıleuden aşyq esık künderı bolady. Äleumettık jelılerde #Barlyǧy SPİD turaly şarasy ūiymdastyrylady. Ortalyqta esepte tūrǧan adamdar arasyndaǧy az qamtylǧan otbasylarǧa azyq-tülık taratylady. Onkündık qorytyndysy 25 qaraşada baspasöz mäslihatynda şyǧarylady.