«Elorda Aqparat» mediakompaniiasynyŋ «Mektep jäne mediasauattylyq» jobasy aiasyndaǧy kezektı kezdesuı Dınmūhamed Qonaev atyndaǧy №66 mektep-liseide öttı. 12 jyldyq tarihy bar bılım ordasynda 2593 oquşy qazaq tılınde bılım aluda. Oqytudyŋ negızgı baǧyttary fizika-matematika, himiia-biologiia bolsa da, osyndai gumanitarlyq ıs-şaralardy ötkızuge de zor män berıledı.
Qalanyŋ qaq ortasynda ornalasqan bılım oşaǧynda şäkırtterdıŋ jan-jaqty bılım aluyna jaqsy jaǧdai jasalypty. Atap aitqanda, mūnda kompiuter, lingafon, multimedia-interaktivtı kabinetter, zamanaui ülgıdegı fizika, himiia, biologiia kabinetterı, 2 sport zal, futbol, basketbol alaŋdary, horeografiia zaly oquşylardyŋ igılıgı üşın aşylǧan.
Atalǧan mediakompaniia qala äkımdıgı jäne Astana qalasy Bılım basqarmasymen bırge ūiymdastyryp jatqan joba şeŋberındegı kezdesude jastarǧa mediasauattylyq taqyryby jan-jaqty tüsındırıldı. Jurnalister tobyn bastap barǧan «Elorda Aqparat» mediakompaniiasynyŋ direktory Oljas Sydyqbek bügıngıdei orasan zor qarqynǧa ie aqparattyq däuırde jaqsy men jamandy aiyryp, ǧalamtordaǧy san myŋdaǧan aqparatty oi elegınen, süzgıden ötkızu üşın mediasauatty boludyŋ maŋyzdy ekenın tüsındırdı. Mekteptermen bailanys ornatudy közdeitın būl kezdesuler arqyly bolaşaq jurnalisterdı gazet oquǧa tartu, tıptı merzımdı baspasözge maqala jazuǧa beiımdeu ekenın de jetkızdı.
Sonymen qatar kezdesuge kelgen «Astana aqşamy» gazetınıŋ tılşısı, täjıribelı jurnalist Taŋatar Töleuǧaliev san jyldyq jurnalistık qyzmetınen syr şerte otyryp, jurnalistikanyŋ būryny men bügıngı ahualyn salystyra baiandady. Basylymda köp jyldan berı eŋbek etetın tılşı Gülbarşyn Ökeşqyzy holding mektep oquşylary üşın ūiymdastyryp jatqan «El jüregı – elorda» atty şyǧarmaşylyq baiqauyna qatysuǧa şaqyrdy. Oǧan 15 qazanǧa deiın elordadaǧy bılım ordalarynyŋ 7-11-synyp oquşylary öz şyǧarmasyn ūsyna alady. Gazettıŋ jas tılşısı ärı jurnalistika salasyndaǧy student İndira Berjanova bolaşaq tılşı bolamyn degen jastarǧa oquǧa qalai tüsuge, portfoliony qalau jinauǧa bolatyny turaly öz bılgenımen bölıstı. Sonymen qatar tılşı Raihan Rahmetova jurnaliske qajet bılım men bılıktılık, özge de maşyqtar jaily oiyn ortaǧa saldy. Al qazırgı zaman talabyna sai sapaly beinetüsırılım jasap, ony äleumettık jelıde ädemılep berudıŋ täsılderın mediakompaniia SMM-mamany Güljan Uälieva oquşylarǧa ūǧynyqty etıp tüsındırıp berdı.
Erkın formatta ötken kezdesu barysynda bolaşaǧyn jurnalistikamen bailanystyramyn degen oquşylar bolmasa da, olar osy taqyrypta özderın qyzyqtyratyn sūraqtaryn qoidy. Albina esımdı 11-synyp oquşysy aqyndyqqa jaqyndyǧyn aityp, ädebietke beiımdıgın baiqatty. Bastapqyda qymsynyp otyrǧan jas örender bırtındep aşylyp, bırınen soŋ bırı sūraǧyn jaudyrdy. Olardyŋ «Jazatyn oiymdy ädemı jetkızu üşın ne ısteuge bolady?», «Qazaq tılınıŋ märtebesın qalai köteremız?», «Gazettıŋ oqyrmandaryn saqtap qalu üşın qandai jobalar jüzege asyrylady?», «Telejurnalistikany emes, baspasözdı taŋdau üşın jastardy qalai qyzyqtyramyz?», «Qazır jurnalistikada äleumettık mäseleler köp talqylanbaidy, köbıne BAQ Ükımetke jūmys ısteidı dep aitylady, osy oimen kelısesızder me?» degen siiaqty basqa da sūraqtaryna kezdesu qonaqtary tolyq jauap berdı.
