Jaqynda Elbasy kıtaphanasy qyzyqty derekterge toly jaŋa bır jinaqpen tolyqty. Ol – Geidar Aliev qorynyŋ qoldauymen jaryq körgen Riza Digatidıŋ «Lapyl qaqqan ot» («The Elegance of Fire») atty kıtaby. Mūnda oqyrmandar äzerbaijan halqynyŋ tūrmysy men ädet-ǧūryp, salt-dästürımen jaqynyraq tanysady.
Kıtap «Balalyq şaǧymnyŋ armany», «Mädeni jaŋǧyru», «Ruhaniiattyŋ jerı», «Ümıt pen aqiqat», «Izdenıs» degen bes bölımnen tūrady. Onyŋ är tarauy türlı tüstı surettermen bezendırılgen. Jinaqtaǧy suretterden avtordyŋ közqarasy, Äzerbaijanǧa degen erekşe yqylasy baiqalady.
Riza Digati – fransuz fotojurnalisı. İrannyŋ Tebriz qalasynda düniege kelgenımen, ūlty – äzerbaijan. 1979 jyly İrandaǧy memlekettık töŋkerıstıŋ sebebınen elden ketuge mäjbür bolady. Bügınde ol öz jūmystarynda adamzat älemınıŋ sūlulyǧy men qaiǧyly oqiǧalaryn qyraǧy nazarynan tys qaldyrǧan emes.
Sondai-aq Riza Digati The National Geographic ūlttyq geografiialyq qoǧamdastyǧynyŋ 30-dan astam derektı filmınıŋ tüsırılımıne qatysyp, jurnaldaryna bırtalai suretterın jariialaǧan. Otyzdan astam jyl boiy ol jüzdegen eldı aralap, qoǧamdaǧy türlı şilenısterdıŋ, tabiǧat apattarynyŋ kuägerı boldy. Onyŋ eŋbekterı National Geographic, Time Magazine, Stern, Newsweek, El Pais, Paris Match, Geo sekıldı bedeldı būqaralyq aqparat qūraldarynda jaryq körgen. Filantrop ärı naǧyz janaşyr retınde ol balalarǧa bılım beru mäselesımen ainalysatyn «AINA» qaiyrymdylyq qauymdastyǧynyŋ negızın qalap, sony 2001 jyldan bastap basqaryp keledı. Bügınge deiın avtordyŋ 29 kıtaby jaryq körgen. Qoryta kelgende, Riza Digatidıŋ jaŋa jinaǧy oqyrmandardy saiahatqa şaqyrady.
