Elordada bır apta boiy «Astana keşterı» halyqaralyq öner festivalı öttı. Oǧan älemnıŋ eŋ üzdık önerpazdary qatysty.
Ǧajaiyp öner festivalı 2012 jyly elordanyŋ tuǧan künıne tartu retınde ömırge kelgen. Ūiymdastyruşysy – «Degdar» gumanitarlyq qory men «JTI» kompaniiasy. Naqtyraq aitqanda, «Degdar» qorynyŋ Qamqorlyq keŋesın basqaruşy Dariǧa Nazarbaevanyŋ bastamasymen düniege kelgen joba.
– Biyl bızdıŋ festivalǧa bes jyl toldy. Alǧaşqy mereitoiymyzdy erekşe atap ötıp jatyrmyz. Auqymdy jobaǧa älemnen köptegen daryndy önerpazdar keldı. Alǧaşqy jyldary festival aiasynda bız körermenderge üş konsert ötkızıp jürdık. Biyl bes baǧdarlama ūsynyp otyrmyz, – deidı atalǧan jobanyŋ körkemdık jetekşısı, QR Eŋbek sıŋırgen qairatkerı Timur Urmancheev.
Halyqaralyq festival aiasynda ötken konsertterdıŋ barlyǧy elordanyŋ körkemdıgı kelıstı zaldarynda öttı. Mäselen, bas qaladaǧy Qazaq ūlttyq öner universitetınıŋ organ zalyndaǧy «Kameralyq muzyka» keşınde biyl ǧana memlekettık märtebe alǧan «FORTE-TRIO» üştıgı men Memlekettık kameralyq orkestırınıŋ «Akademiia solistov» tobynyŋ daryndy müşelerı öner körsettı.
«Astana Opera» teatrynda bolǧan «Klassikalyq muzyka» keşıne reseilık talantty pianist P.Chaikovskii atyndaǧy IX atyndaǧy baiqaudyŋ jeŋımpazy Boris Berezovskii men Amerikadan kelgen ataqty skripkaşy Filipp Kvint qatysty. «Operalyq muzyka» keşınde Osetiianyŋ halyq ärtısı Veronika Djioeva men Mäskeu ülken teatrynyŋ solisı Anna Aglatova öz önerlerımen körermenderdı körkem küige böledı. Bariton dauysty reseilık Vasilii Ladiuk pen QR Eŋbek sıŋırgen qairatkerı, jerlesımız Medet Şotabaev ta tenor dauysymen tyŋdarmandardy täntı ettı.
Sondai-aq, Europa organisterınıŋ ışındegı bıregei jetekşı dep tanylǧan Kristian fon Blon men reseilık «Moskovskaia Operatta» teatrynyŋ bas dirijerı Konstantin Hvatynestıŋ şeberlıkterıne süisınbegen jan bolmady. Äzerbaijannan kelgen «Jangi» toby men qazaqstandyq «Magic of Nomads» dep atalatyn etno-fiujn tobynyŋ önerı de eşkımdı beijai qaldyrmady.
Aita keterlıgı, qaiyrymdylyq joba bolǧandyqtan biletterdıŋ barlyǧy jūrtşylyqqa tegın taratyldy.
Azamat ESENJOL
