Täuelsızdık künı qarsaŋynda qaladaǧy «Örken» balabaqşasynda «Täuelsızdık tūǧyrym» atty erteŋgılık öttı. Balalardyŋ patriotyq sezımın oiatatyn, el bırlıgı men täuelsızdıgın därıpteudı maqsat etken şaraǧa balabaqşa äkımşılıgı men ata-analar qatysty.
Aldymen ortaǧa şyqqan «Aqqu» tobynyŋ balapandary merekelık şarany elımızdıŋ änūranymen aşty. Top tärbieşılerı Madina Qūralbekova men Aigül Jasarovanyŋ balalardy bırkelkı etıp kiındırgenı köpşılıktı quantty. Elımızdıŋ tuy tüstes bıryŋǧai formanyŋ özı balapandardyŋ boiyndaǧy tazalyǧyn, özderıne degen senımdılıgın bıldırıp tūrǧandai.
Şetterınen önerlı balalar ännen şaşu şaşyp, otan, el men jer turaly öleŋderın oqydy. Äsırese, Qystaubaeva Aiaru Abaidyŋ «Jelsız tünde jaryq ai» öleŋın naqyşyna keltırıp oryndady. «Astana änı», «Sälem, Qazaqstan!», «Sälem berdık dosym-au» änderı men myŋ būralǧan qyzdardyŋ merekelık bilerı öte joǧary deŋgeide daiyndalǧanyn körsettı.
Basqa merekelerdı aitpaǧanda, elımız üşın qasiettı sanalatyn Täuelsızdık toiyna erekşe daiyndalǧan balapandar künı erteŋ patriot bolyp ösetınderı sözsız.
Top tärbieşısı Madina Şyrymbekqyzy «Balalar kışkentai bolsa da, el, jer, otan turaly ūǧymdardy jastaiynan boilaryna sıŋıru kerek» dese, Aigül Qajbekqyzy olardyŋ Astana, Qazaqstan turaly barlyq sūraqtarǧa jauap bergenderıne erekşe süisındı.
Keş soŋynda ötken «Altyn küz» baiqauynda belsendılık tanytqan bır top ata-anaǧa balabaqşa basşysy atynan maqtau qaǧazdary tapsyryldy.
