Astana qalasynyŋ Jūmyspen qamtu, eŋbek jäne äleumettık qorǧau basqarmasyna qarasty ortalyq jaŋa ǧimaratqa köştı. Būl turaly basqarma basşysynyŋ orynbasary Säule Nūrǧojina baspasöz mäslihatynda mälımdedı.
Ol būǧan deiıngı keŋse öte tar bolǧandyqtan, azamattarǧa tolyqqandy qyzmet körsete almaǧanyn aitady. Al Dostyq köşesı, 13, iaǧni «Nūrsaia-2» tūrǧyn üi keşenıne köşıp kelgen ortalyqtyŋ ǧimaraty keŋ ärı elektrondyq kezek boiynşa qyzmet körsetedı.
– Basqarmanyŋ basty jaŋaşyldyǧy – elektrondy kezek arqyly tūrǧyndarǧa jedel qyzmet körsetuge mümkındık aldyq. Öitkenı jaŋa ǧimarattyŋ kölemı ülken, qajettı barlyq qūral-jabdyqtarmen jäne käsıbi bılıktılıgı joǧary mamandarmen qamtamasyz etılgen , – dedı ol.
Jalpy, osy jyldyŋ basynan berı atalǧan basqarma 68 357 memlekettık qyzmet körsetken, onyŋ ışınde memlekettık korporasiia arqyly – 9320, al «Elektrondy ükımet» veb-portaly arqyly 537 qyzmet körsetılgen. Būdan bölek, jūmyspen qamtu salasynda – 17 605, köşı-qon salasynda – 4778, äleumettık sala boiynşa 45 974 qyzmet körsetılgen.
Qazırgı uaqytta basqarma 2018 jyldan bastap mekenjailyq äleumettık kömek körsetudıŋ jaŋa formaty jaiynda halyqty aqparattandyryp jatyr. Mysaly, tūrǧyn alaptarynda 157 kezdesu ötkızılıp, 12 249 adam aqparatpen qamtyldy. Sondai-aq, basqarmada är düisenbı jäne särsenbı saiyn halyqty qabyldaityn vedomstvoaralyq alaŋ qūryldy.
Serık
JOLDASBAI
