Keşe Otandyq tauar öndıruşılerınıŋ forumy ötıp, şaraǧa Astana qalasy men Qaraǧandy oblysynyŋ tauar öndıruşılerı jäne elordalyq qūrylys kompaniialarynyŋ ökılderı qatysty.
Astana qalasy İnvestisiia jäne käsıpkerlıktı damytu basqarmasynyŋ basşysy Älışer Äbdıqadyrovtyŋ jetekşılık etuımen ötken jiynda qos öŋırdıŋ käsıpkerlık salasyndaǧy äleuetı men özara qarym-qatynasy jaily söz boldy. Alǧaşqy bolyp söz alǧan Qaraǧandy oblysy äkımınıŋ orynbasary Almas Aidarov elordanyŋ qarqyndy qūrylys alaŋy ekenın atap ötıp, qaraǧandylyq tauar öndıruşılerdıŋ bas qalany qūrylys materialdarymen qamtamasyz etude mümkındıgı mol ekenın jetkızdı. Sonymen qatar oblys äkımınıŋ orynbasary ekı öŋırdıŋ alys-berısı men barys-kelısı būrynnan berık ornaǧanyn, Astanada bılım alyp, qyzmet etıp jürgen qaraǧandylyq jastardyŋ öte köp ekenın tılge tiek ettı.
Şara aiasynda «BI-GROUP» holdingı men «ArselorMittal Temırtau» AQ, «Zavod Metall Profil» JŞS, «Bazis-A» kompaniiasy men «Bekem-Plast» JŞS, «Jakko Karaganda» JŞS siiaqty Astananyŋ qūrylys kompaniialary men Qaraǧandy oblysynyŋ tauar öndıruşılerı arasynda özara qarym-qatynasty jäne sauda-sattyqty nyǧaitu jönındegı bırqatar memorandumǧa qol qoiyldy. Endı osynyŋ arqasynda otandyq önımnıŋ örısı keŋi tüspek.
Forum barysynda ondaǧan otandyq tauar öndıruşılerınıŋ körmesı bolyp, keluşılerge Qazaqstanda jasalǧan önımder keŋınen tanystyryldy. Körmenı tamaşalauşylar Qaraǧandy oblysynyŋ qymyzynan da däm tatty.
Sonymen qatar «BI Group», «Astana tazalyq» siiaqty elordadaǧy basqa da ırı kompaniialardyŋ eŋbek ūjymyna qysqy jäne jazǧy jūmys formalaryn tıgetın «Astana Iýtariia ltd» JŞS te körmege öz önımderın şyǧarypty. Joba menedjerı Jazira Dulatovanyŋ mälımetınşe, atalmyş kompaniiada 800 adam jūmyspen qamtylǧan. Aiyna 150 myŋnan asa, jylyna 1,8 mln-ǧa juyq tauar şyǧaratyn kompaniiada kiımnıŋ 200 türı tıgıledı. Astanalyq käsıporyn endı ekı jaqty kelısım boiynşa Qaraǧandy öŋırınıŋ kompaniialaryn da jūmys formasymen qamtamasyz etetın bolady.
